POP 5

Lajmet më të lexuara të 5 minutave të fundit

Kosova & Rajoni

Për Jeremiç, veto në OKB nga
Shqipëria dhe Kroacia

Asambleja e Përgjithshme e OKB-së ka zgjedhur unanimisht përfaqësuesin e Antiguas dhe Barbadosit, John Ashe si kryetar i ri i këtij institucioni të OKB-së në vend të serbit, Vuk Jeremiç. Paraardhësit të Ashe, Jeremiç, Shqipëria dhe Kroacia i kanë vënë veton. (Foto: Ashe dhe Jeremiç)
NJU JORK - Asambleja e Përgjithshme e OKB-së ka zgjedhur unanimisht përfaqësuesin e Antiguas dhe Barbadosit, John Ashe si kryetar i ri i këtij institucioni të OKB-së në vend të serbit, Vuk Jeremiç.
 
Gjatë zgjedhjes së kryetarit të ri nuk i është dhënë mbështetje dhe paraardhësit të tij, Jeremiç, sepse Shqipëria dhe Kroacia kanë ushtruar veto ndaj përmbajtjes së letrës përlëvduese për të.
 
Zgjedhja e Ashe si kryetar i Ansamblesë është përshëndetur nga sekretari i përgjithshëm, Ban Ki-moon dhe nga pesë grupet rajonale të Asamblesë së Përgjithshme, përveç grupit të Europës, Juglindore, pasi letra përshëndetëse e tij është bllokuar nga Shqipëria dhe Kroacia, për shkak të lëvdatave për kryetarin e deritanishëm, Vuk Jeremiç.
 
Në dallim nga viti i kaluar, kur zgjedhja e kryetarit të Asamblesë është bërë me votim të fshehtë, meqë grupi i Europës Juglindore nuk arriti një konsensus për kandidatin e vet, këtë vit njeriu i parë i Asamblesë së 68-të u zgjodh me konsensus, si kandidati i vetëm i grupit.
 
Sipas letrës përshëndetëse, që u formulua nga Mali i Zi, si vend që këtë muaj kryeson bashkë me grupin e Europës Juglindore, ishte paraparë që në përputhje me praktikën diplomatike të përshëndetej kryetari i ri dhe t’i jepej një mirënjohje të vjetrit, por kjo gjë nuk ndodhi, sepse Shqipëria dhe Kroacia ushtruan veto në përmbajtjen e letrës.
 
Në letrën e përgatitur nga ambasadori malazez në OKB, Milorad Scepanoviç, mes tjerash thuhet se, Grupi i Europës juglindore uron Jeremiçin për udhëheqjen “dinamike dhe aktive” të Asamblesë së Përgjithshme të OKB-së dhe për “promovimin e vlerave të OKB-së” për të mirën e gjithë njerëzimit.
 
"Deklaratat e përfaqësuesve të grupeve, të lëshuara në emër të OKB-së, flasin mjaf, dhe nëse nga 193 shtete të planetit vetëm dy nuk janë të kënaqura me përfaqësimin tonë, atëherë mua më duket se kemi punuar mire, veçanërisht, duke pasur parasysh se cilat janë këto dy shtete”, deklaroi Jeremiç për mediat serbe, lidhur me reagimin e Shqipërisë dhe Kroacisë.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31