POP 5

Lajmet më të lexuara të 5 minutave të fundit

Kronikë

Për një vit, 47 kallëzime
dhe 550 gjoba për zyrtarët 
 

Sipas raportit vjetor të ILDKP-së, janë depozituar 47 kallëzime penale për zyrtarë të niveleve të larta drejtuese, si deputetë, ish ministër, anëtarë KLD-je, gjyqtarë të shkallës së parë dhe apelit
Për një vit, 47 kallëzime<br />dhe 550 gjoba për zyrtarët <br /> 
Sipas raportit vjetor të ILDKP-së, janë depozituar 47 kallëzime penale për zyrtarë të niveleve të larta drejtuese, si deputetë, ish ministër, anëtarë KLD-je, gjyqtarë të shkallës së parë dhe apelit, prokurorë, ambasadorë, këshilltarë, titullarë institucionesh publike, drejtues të qeverisjes vendore, ndër të cilët 21 gjatë vitit 2014 dhe 26 kallëzime penale gjatë vitit 2015. Po ashtu janë marrë dhe masa administrative “gjobë”, të cilat fillojnë në minimum nga 100.000 lekë (të reja) për rastet e refuzimeve për deklarim dhe rriten progresivisht për rastet e mos deklarimeve dhe/apo për çështje të konfliktit të interesave.

“Në vitin 2015 numri total i masave administrative, “gjobë”, të aplikuara nga Inspektorati i Lartë, ka qenë 550. Të dhënat statistikore tregojnë se institucioni i ILDKPKI ka tejkaluar me 35% (për qind) numrin e përgjithshëm të masave administrative të aplikuara gjatë vitit paraardhës. Vlen të theksohet se Gjykata Administrative, me përjashtim të 3-4 rasteve, ka konfirmuar duke lenë në fuqi të gjitha vendimet e masave administrative, “gjobë” të vendosura nga ILDKPKI”-thuhet në raportin e ILDKP-së. Edhe në këtë kontekst, shprehet shqetësimi i mos bashkëpunimit nga ana e prokurorisë.

“Në një kohë kur nga të gjithë kërkohet njëzëri rritja dhe forcimi i rolit të ILDKPKI, nëpërmjet dhjetëfishimit të gjobave ndaj zyrtarëve, rritjes së numrit të zyrtarëve të lartë të kallëzuar penalisht, konfiskimit të çdo qindarke të pajustifikuar me burime të ligjshme, veprimet e prokurorisë janë një goditje e rëndë ndaj këtyre pritshmërive. Çështjet e ILDKPKI janë të bazuara plotësisht dhe vetëm në prova shkresore e dokumente zyrtare, sepse nuk mund të ndodh ndryshe, e tillë është procedura e punës së saj, e bazuar vetëm në ligj.

Vendimet e pushimit të çështjeve penale nga organi i akuzës, pa argumente ligjore, janë këmbanë alarmi për ILDKPKI, por të tilla duhet të jenë edhe për Kuvendin e Republikës së Shqipërisë, sepse tregon qartë sesi po vlerësohen çështjet e fshehjes së pasurive dhe deklarimit të rremë të zyrtarëve të lartë nga prokurorët, dhe se si do të jetë ecuria e kallëzimeve penale të ILDKPKI në vijimësi”- thuhet në raportin e dorëzuar në Kuvend.


Redaksia Online
(A.N/Shqiptarja.com)

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Dy fitore në 26 javë, skuadra e La Liga-s shkarkon trajnerin

Dy fitore në 26 javë, skuadra e La Liga-s shkarkon trajnerin

20 Mars, 22:57