Përkujtohet tragjedia e Sokol
Teme Sejkos,simboli i qëndresës
Një nga tragjeditë që shkaktoi regjimi komunist mban emrin e Sokol Sejkos, djalit të Teme Sejkos, të cilin më 6 mars 1974 e ekzekutuan me të vetmin faj, se ishte djali i ish-kundëradmiralit që u pushkatua më 28 maj 1961.
TIRANË- Një nga tragjeditë që shkaktoi regjimi komunist mban emrin e Sokol Sejkos, djalit të Teme Sejkos, të cilin më 6 mars 1974 e ekzekutuan me të vetmin faj, se ishte djali i ish-kundëradmiralit që u pushkatua më 28 maj 1961. 40-vjetori i ekzekutimit të Sokol Sejkos, në moshën 24-vjeçare është përkujtuar dje në Muzeun Historik Kombëtar. Aktiviteti në kujtim të Sokol Teme Sejkos është organizuar nga Shoqata Antikomuniste e Ish të Përndjekurve Politikë-Demokratë në bashkëpunim me Shoqatën Patriotike “Çamëria”. Sokol Sejko është përkujtuar si një simbol i qëndresës, karakterit dhe burrërisë. “Nuk kërkoj mëshirë nga ata që nuk e njohin mëshirën”, u tha ai ekzekutuesve të tij.
“Sokol Sejko pati një jetë të shkurtër dhe tragjike, por qëndresa e tij heroike para ekzekutuesve e bëri atë një shembull frymëzimi dhe rezistence ndaj dhunës diktatoriale”, tha dje Simon Mirakaj. Ndërsa studiuesi Enver Kushi solli në kujtesë rastin e dënimit të Teme Sejkos, babait të Sokolit, nga regjimi i Enver Hoxhës me akuzën se ishte rekrutuar nga agjenturat greke nga i vëllai i tij më i madh Taho Sejko. Kushi kujtoi sesi pas pushkatimit të Teme Sejkos regjimi ngriti një skenar për burgosjen dhe pushkatimin e të birit Sokol Sejkos. Në vitin 1974, Sokol Teme Sejko (djali i Temes), që sapo kishte mbushur 24 vjeç, u dënua me vdekje si armik dhe u pushkatua më pas nga një gjyq i inskenuar. Pas gjithë këtyre peripecive që kishte kaluar familja Sejko, pjesëtarët e tjerë të familjes u internuan në Berat. Studiuesi Kushi ka kujtuar dje gjithë kalvarin tragjik të familjes.
Në shkurt 1975, Rajmond Sejko, djali i madh i Temes, u arrestua dhe u dënua për agjitacion e propagandë, me 8 vjet burg në Spaç dhe me 7 vjet të tjera në internim. Shpresa Sejko, bashkëshortja e Temes, disa orë pas pushkatimit të djalit, vrau veten, duke u hedhur nga kati i katërt i pallatit. Studiuesi Enver Kushi ka rrëfyer shkaqet e tragjedive të pushkatimeve dhe vetëvrasjeve të familjes Sejko. Në nëntor 1962, vëllai i vogël i Teme Sejkos, Suloja, u vetëvra. Ndërsa vëllai tjetër i Temes, Tahoja (Tahir), në mars të vitit 1962 u dënua si armik dhe u pushkatua. Sipas studiuesit Enver Kushi, e vërteta se pse u ndëshkua aq rëndë Teme Sejko dhe gjithë familja e tij nga diktatura “ka ende shumë enigma të pazbardhura”.
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
43%
-
Njësoj
23.1%
-
Më keq
33.9%
Vota total: 558
Votat totale janë unike
Lajme të tjera
-
Ylli Pata: Himara, sallatë greke, apo beteja mes dy Vangjelëve?
1 Gusht, 07:58
-
Dha dorëheqjen pas dhunës të të birit për guroren, vajza e ish-deputetit Rrahman Rraja zgjidhet anëtare e Asamblesë së PS
1 Gusht, 07:45
-
Temperatura deri në 37 gradë celsius, parashikimi i motit për sot
1 Gusht, 07:23
-
Lajme të mira në dashuri...çfarë thonë yjet për ju sot
1 Gusht, 07:18
-
Hekurudha Vorë-Hani i Hotit, gati tenderi për projektin 356 milionë euro
1 Gusht, 07:10
-
Presidenti Steinmeier i kërkon falje Polonisë për krimet gjermane
31 Korrik, 22:58
-
SHBA/ Shqiptari në Majemi akuzohet se ka ngacmuar një vajzë 10 vjeçare në pishinë
31 Korrik, 22:40
-
'Albulena prita-prita'! Ilir Meta ‘shuan vapën’ në Ujëbardhën e Kurbinit, zhytet në ujë bashkë me disa të rinj (VIDEO)
31 Korrik, 22:34
-
SHBA, thirrje Venezuelës të bëjë sa më shpejt publike të dhënat e plota për zgjedhje
31 Korrik, 22:23
-
'Aktrim i dobët' para miratimit të Reformës Zgjedhore!
31 Korrik, 22:10
-
Mero Baze: Aty ku ka grekë nuk ka probleme
31 Korrik, 21:58
-
Kuvendi i Serbisë e miraton Deklaratën e “Kuvendit gjithëserb”
31 Korrik, 21:45