Një histori tjetër vjen në studion e ‘Pa gjurmë’. Një vëlla binjak në kërkim të ‘gjysmës’ tjetër. Veton Sallova, me mision të NATO-s në Afganistan, në një lidhje Skype në Report Tv, ka thënë se informacionet e fundit që janë marrë nga Driton Sallova, binjaku tjetër i zhdukur, janë të marra nga një person i cili ka thënë se ai ndodhet në Kroaci.
Driton Sallova, 44 vjeç lindur në Prishtinë, zhdukur në 1995 nga Bosnje-Hercegovina. Në vitin 1991, Dritoni largohet drejt Kroacisë. Që në fillim lidhi kontaktet me familjen dhe u thoshte se rrinte në Zagreb por edhe në zonen e Splitit .
I humburi Driton SALLOVA
Të afërmit nuk kanë detaje se me çfarë merrej Dritoni atje dhe konkretisht cfare pune kryente. Pas fillimit të luftës në Kroaci, Dritoni largohet për në Bosnje Hercegovinë. Në shtator të vitit 1995 në familjen Sallova vjen një letër nga Dritoni të cilën e solli dorazi një person nga Podujeva. Dritoni shkruante se jetonte në qytetin Zenica të Bosnjës në një familje myslimane. Që prej shtatorit të 1995-ës, familja nuk ka asnjë kontakt me djalin e tyre dhe nuk dihet vendndodhja e tij.
Vetoni ka thënë se nuk e beson dot kurrë që ai të jetë i vdekur.
Dritoni është vëllai im binjak. Në kohën e luftës në Bosnje ishte atje. Pak muaj para se të mbaronte lufta dërgoi një letër. Babai im i ndjerë ishte gjallë dhe mori letrën. Letra ishte me shkrimin e tij. Thoshte që jam mirë, dhe jam në një familje myslimane dhe vetëm kaq. Jam në Afganistan, punoj me shërbimet amerikane. Unë dhe motra, kemi bërë çdo përpjekje për t’a kërkuar. S’kemi gjetur dot asgjë. As që është i gjallë, e as që është i vdekur. Kemi kontaktuar zyrën e Interpol-it, sipas informacioneve, më kanë thënë që Dritoni ndodhet në qytetin e Pullës në Kroaci. Se është i martuar dhe me fëmijë. Më pas ky informacion s’e konfirmova dot. E ndjej që Dritoni është gjallë. Se besoj se ka vdekur.
Veton Sallova, vëllai i Dritonit
Mbrëmjen e sotme, në studion e emisionit ‘Pa gjurmë’ është denoncuar një tjetër person i zhdukur. Bëhet fjalë për Ilir Shanin, i cili prej 4 vitesh rezulton i zhdukur.
Historia e Ilir Shanit
Ilir Shani është rezulton ne skedën e personave të humbur që prej vitit 2015. Në redaksinë e emisionit ’’Pa gjurmë’’ erdhi vëllai i Ilirit, Edmond Shani.
Për shkak të detyrës që ushtronte i ati si ushtarak prej vitesh, bashkë me tre djemtë dhe bashkëshorten u zhvendosën në Fier. Në atë kohë Iliri ishte në 8-vjeçare dhe pasi e mbaron, largohet në Durrës për të ndjekur shkollën e Fiskulturës. Si rezultat i mospërshtatjes me ambientin atje, Iliri bie në depresion, ndërsa familja njoftohet nga profesori që të shkonin të merrnin djalin, pasi nuk ishte në kushte të mira psikologjike. Iliri rikthehet në Fier, për të vijuar shkollën e mesme dhe ndërkohë merr mjekime. Bëhet mirë për një farë kohe dhe rinisin sërish shqetësimet. Familja detyrohet të transferohet në Tiranë. E ëma, zonja Myrvete bëhet kujdestarja e djalit. Ditën e zhdukjes, Iliri ishte në shtëpi, pasi sapo ishte kthyer nga shëtitja, kur e ëma shkon ta kontrollojë në dhomën e gjumit, nuk e gjen Ilirin, vetëm dritaren të hapur. Kontrollojnë gjithkund pasi po binte errësira, deri në vendet ku ai shkonte gjithnjë i ulur në bordurat e pallatit të Kulturës, në rrugën e Durrësit, rrugën e Kavajës. Pyesin kudo, këdo që mund ta kishin parë, por asnjë përgjigje. Shkojnë në rajonin e Policisë nr. 4 për denoncim, atje i thonë duhet të mbushen 24 orë nga humbja. U mësua se ato ditë e kishte pare nipi i tij, pranë banesës dhe që ishte përshëndetur me dorë. Pas 2 ditësh një komshi i pohon se e kishte parë tek Kodra e Priftit dhe se kishte të veshur një kanatjere dhe një palë tuta. Në vitin 2017 një nga të afërmit e ka parë tek ambasada polake. Iliri i ka kërkuar 4 cigare. Një tjetër dëshmi që ka ardhur për zhdukjen e tij është se e kishin parë afër zonës së Xhamllikut. Një tjetër dëshmi ardhur për familjarët ka qenë dhe një person nga Durrësi i cili është prezantuar si përfaqësues agjencie dhe se do t’i njoftonte për Ilirin. Pra gjurmët e fundit mbeten në qytetin e Durrësit, kjo është dhe dëshmia më e fundit për vendodhjen e mundshme të Ilirit.
Në studion e Pa gjurmë, mamaja e tij dhe i vëllai kanë thënë se Iliri ishte një njeri i qetë dhe jo agresiv.
Mamaja e tij, Myrvete Shani: Kërkojmë që të na kthehet djali në shtëpi.
Edmond Shani: Në janar të 2017-ës më kontaktuan për vëllain, më thanë se Iliri ndodhej në Durrës. Iliri nuk ishte agresiv, ishte njeri i qetë.
Lajme të tjera
-
Turqia dëbon nga territori i saj 325 shtetas afganë
10 Nëntor, 16:06 -
‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!
11 Shtator, 10:17 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Gjermania kritikohet për shqyrtimin e dëbimit të afganëve dhe sirianëve
20 Qershor, 18:42 -
Barka me emigrantë përmbyset në brigjet e Kalabrisë, flitet për 65 të zhdukur mes tyre 26 fëmijë
17 Qershor, 19:44 -
OKB: 1000 ditë prej kur talibanët ndaluan arsimin e mesëm për vajzat
13 Qershor, 22:11 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Qindra të vdekur nga vërshimet në Afganistan
11 Maj, 12:55 -
Shtatë të vrarë nga sulmi në një xhami në Afganistan
30 Prill, 11:04 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53
