Derisa njerëz të caktuar, biznese të caktuara, vazhdojnë të autorizohen në sy të diellit dhe të ligjit të bëjnë të gjithë shkeljet e mundshme ndërsa të tjerë, të futen dhe të vetëfuten (pasi dëshirojnë të jetojnë në një Shqipëri të drejtë) në darën e respektimit të të gjitha rregullave, vendi do të vazhdojë të torturohet nën një vorbull energjie negative që nuk dihet se ku mund të na çojë.
Të shohësh ish-kryeprokurorin të largohet qetësisht nga Shqipëria pak ditë para marrjes së vendimit të gjykatës, është trishtim. Adriatik Llalla është larguar në momentin kur një vend i tërë ëndërron, flet përditë, për DREJTESI! Dhe nuk është hera e parë që shqiptarët shohin se si rrëshkasin si ngjala, pa u përballur me përgjegjësitë para ligjit, të afërm apo vetë persona VIP.
Një vend i vogël si i yni, ku të gjithë njihen e të gjithë shohin njëri-tjetrin, ku puna dhe jeta e kujtdo është e shpallur në gazetat e pashkruara “të publikuara” në sheshet e çdo fshati e qyteti, vazhdohet që Filani të ketë biznes e punëtorë në të zezë, të shkelë të drejta autori e të drejta fiskale i pashqetësuar, e Fisteku të shtrydhet në të gjitha format edhe për shkeljen më të vogël. Filani i privilegjuar shton pasuritë e veta, ndërsa Fisteku i penalizuar sfilitet të mbajë Shtetin, të kontribuojë për pensione, shkolla, rrugë me taksat që duhet të paguajë.
Një fenomen i ri matje duket se qarkullon së fundmi në vlerat elitare vendase: Pesha e llogarisë bankare. Nëse shikoni një respekt të ekzagjeruar nga institucione, privatë, ente të ndryshme, ta dini se lajmi është përhapur: Të gjithë e kanë informacionin se sa zero keni shtuar vitet apo muajt e fundit në llogarinë tuaj. Dhe të rrini të qetë: askush nuk dëshiron ta di se si keni arritur të bëni një gjë të tillë pa fituar as edhe një telebingo të vetme.
Dikush e ka kollaj të përgjigjet: Epo kështu u bë Londra, kështu u bë Nju Jorku, kështu u bë Zvicra, në Hollandë mbyllin hundët e nuk duan ta dinë se nga i solle dhe si e vure atë pasuri, etj. etj. E vërtetë! Kështu u bënë dhe politikanët tanë. Kështu bënë dhe vilat gjigande në Lalëz, Tiranë, bregdet. Kështu u bënë të gjithë ata që përplasin lumturinë e tyre në fytyrë të shqiptarëve në mëngjes nga kulla në veri, në drekë nga vila në bregdet, e në darkë nga Gala-ja në TKOB, por Shqipëria jonë e vogël është vetëm 28 mijë km katrorë vend dhe vendosni vetë se si doni ta kanalizoni këtë energji! Të paktën mos kërkoni që të buzëqeshin të gjithë!
Lajme të tjera
-
FOTO/ Në kërkim prej vitesh për të kryer dënimin me 2 vite burg, Ish kryeprokurori Adriatik Llalla shfaqet duke bërë shqiponjën krah aleatit të Berishës
29 Shtator, 09:20 -
Mero Baze: Një kullë dhe tre 'non grata'
7 Korrik, 22:49
-
Veliaj dhe Dumani krahasuar me Metën dhe Llallën
30 Prill, 18:15
-
Art në apartamentin e konfiskuar të Adriatik Llallës, të rinjtë artistë gjejnë muzën nga dritarja e ish-kryeprokurorit
12 Prill, 20:25
-
Ylli Pata: Nga Adriatik Llalla, te Janjeva
19 Mars, 19:56
-
Iu konfiskua ish kryeprokurorit Adriatik Llalla, apartamenti në plazhin e Durrësit kthehet në qendër sociale për art dhe aktivizëm
22 Shkurt, 18:11 -
Berisha, i vetmi i trembur nga Ahmetaj (dhe modeli i Kumbaros dhe Llallës)
12 Korrik 2023, 14:13
-
Po Adriatik Llalla ka marrë azil politik? Dumani: Ka marrë thjesht pasaportën, po punojmë për ekstradimin e tij
31 Mars 2023, 13:16 -
Ish-kryeprokurori nuk ka marrë azil? SPAK thotë se Llalla është ende në proces ekstradimi në Itali
6 Mars 2023, 20:21 -
I dënuar me 2 vite burg nga GJKKO, Adriatik Llalla fiton statusin e azilantit politik në Itali! Shuhen shpresat për ekstradim
13 Shkurt 2023, 22:21 -
Ja si shpëtoi nga konfiskimi në 2013 pasuria e Gazmend Mahmutajt, bosit të prostitucionit! Roli i Llallës, Metës e Berishës! Pse u godit nga OFL e SPAK pas 9 vitesh?
6 Maj 2022, 16:12
-
518 zyrtarë të kallëzuar për pastrim parash dhe fshehje pasurie, emrat mbahen sekret, dosjet u mbyllën në heshtje! Asnjë i dënuar për 2021
2 Maj 2022, 15:18
