POP 5

Lajmet më të lexuara të 5 minutave të fundit

Sociale

EKSKLUZIVE/ Pacientët me tumor te Onkologjiku 1 jave pa radioterapi! Arsyeja?! Për një derë të prishur te akseleratori

Vetëm për një derë që nuk mbyllej plotësisht, la prej një jave pa shërbim pacientët me tumor, për radioterapi me aparaturën e akseleratorit linear në Spitalin Onkologjik. Pas denoncimit me zë e figurë në Report Tv, nga QSUT thonë se dera në dhomën bunker u rregullua nga teknikët dhe të hënën të sëmurët mund të bëjnë radioterapi, pa pasur rrezik se rrezatimi del në ambientet e spitalit.

Tirane-  Pacientët e sëmurë me tumor vijojnë të përballen me problematika kur shkojnë për të marrë shërbim në spitalin shtetëror të Onkologjikut në QSUT.

Prej të paktën 1 jave, pacientet me sëmundje tumorale ankohen se nuk po bëjnë radioterapi pasi dera e dhomës bunker ku ndodhet aparatura e akseleratorit linear në Spitalin Onkologjik, ka mbetur hapur! Radiologët nuk mund të trajtojnë pacientët pasi në çdo rast rrezatimet do të dilnin jashtë dhomës me kushte sigurie nëpër ambientet e spitalit Onkologjik.

"Është e prishur. Kur rregullohet nuk e di. Mjekët nuk më kanë thënë gjë për të shkuar në privat, por edhe po të më thonë nuk ia arrij dot, nuk kam mundësi. Gjendja ime shëndetësore nuk është e mirë, është e përkeqësuar, por me shpresë të Zotit" thotë një paciente për Report Tv. 

Pas denoncimit me zë e figurë në Report Tv, nga QSUT thonë se dera në dhomën bunker u rregullua nga teknikët dhe të hënën të sëmurët mund të bëjnë radioterapi.

Akseleratori i parë linear, aparaturë e teknologjisë së fundit për trajtimin e tumorit, u vendos për herë të parë në shërbimin Onkologji në QSUT në vitin 2016. Ndërkohë një aparaturë e dytë akseleratori linear për radioterapi është investuar në Spitalin Onkologjik në 2020-ën.

Për shkak të fluksit në spitalin Onkologjik që trajton pacientë nga gjithë Shqipëria, duket se vetëm një akselerator në punë nuk mund të mbajë peshën e të gjithë të sëmurëve me kancer, të shtruar dhe ambulatorë, siç është rasti i zonjës e cila thotë se e kanë përcjellë nga spitali pa i bërë rreze.

Siç hetimet e prokurorisë së Tiranës zbuluan, prej vitesh në Onkologjik pacientët nuk i janë nënshtruar proceseve terapeutike me braktiterapi, pasi pajisja nuk u vu në punë edhe pse lënda radioaktive e kobaltit u soll në spital në një procedurë të dyshimtë, për të cilën hetuesit ende nuk dinë se kush e ka porositur, një teknologji që shumë shtete e kanë hequr, dhe praktikohet në vende si India e Afrika.

Hetimet që Prokuroria e Tiranës po bën mbi abuzimet në spitalin Onkologjik nga disa mjek e personel, kanë trazuar jo pak të sëmurët me tumor, përsakohë organi i akuzës dyshon se janë lënë qëllimisht pa shërbim në shtet për tu detyruar të shkojnë në privat në klinikat e vetë mjekëve, siç është rasti i onkologut në hetim Edmond Gashi.

Hetuesit dyshojnë se të sëmurëve s’u jepej kura e plotë dhe ilaçet dilnin jashtë spitalit të shiteshin nëpër farmaci, ndaj pacientët po dyshojnë edhe nëse janë duke marrë apo jo ilaçet e duhura. Vetë mjekët të cilët po vijojnë punën në Onkologjik, thonë se po ka pacientë që mendojnë se në flakonin për kimio po u hidhet ujë.

Terapia me rrezatim është një trajtim i zakonshëm i tumoreve.
-Gati një e treta e njerëzve me kancer marrin rrezatim.
-Mjekët përdorin EBRT si një trajtim të kancerit në disa mënyra:
-Vetë ose me trajtime të tjera në përpjekje për të kuruar kancerin
-Para trajtimeve të tjera si operacioni për tkurrjen e një tumori
-Pas trajtimeve të tjera për të shkatërruar çdo qelizë kanceroze të mbetur
-Pas trajtimeve të tjera për të reduktuar simptomat dhe për të zgjatur cilësinë e jetës

S.G/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • zani: 10/07/2024 19:07

    sa te poshter qe jane,,,nxjerrin pretekse per tju marre parate...

    Përgjigju
  • jetnor: 29/06/2024 20:17

    Ne këtë spital të gjithë duhen futur në burg sepse është spitali i vrasësve,sigurisht si ky te qendra spitalore ka plot,asnjë operacion nuk kryet pa paguar dhe kjo ka plot 33 vjet sepse në kohën e atij nuk figuronte ky korrupsion.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23