Pacientja holandeze me kancer në të tetëdhjetat e saj bëhet personi i parë që vdes pas infektimit të dytë me Covid-19

Një 89-vjeçare holandeze mendohet të jetë bërë personi i parë në botë që vdiq pasi u infektua për të dytën herë me Covid-19.

Gruaja identiteti i së cilës nuk bëhet i njohur për publikun ishte duke trajtuar për kancer, u zbulua se ishte e infektuar me lloje 'të ndryshme gjenetikisht' të virusit në dy episode të ndara. Mjekët njoftuan se 89 vjeçarja u shtrua në departamentin e Urgjencës me shenja të një kolle të rëndë dhe me ethe.

Në momentin që rezultoi pozitiv për koronavirus ajo qëndroi në spital, ndërsa kur simptomat erdhën duke u përmirësuar ajo u rikthye në shtëpi. Megjithatë siç raportojnë mediat ndërkombëtare në asnjë moment gruaja nuk ka rezultuar negative.

Në momentin e shtrimit në spital  herën e dytë, dy muaj pas infektimit të parë gruaja u trajtua me oksigjen për shkak të vështirësive në frymëmarrje. Pas testeve të realizuara ajo rezultoi për herë të dytë pozitiv për COVID-19.

“Në ditën e 8 gjendja e saj u përkeqësua dhe dy javë më vonë 89-vjeçarja humb jetën”,  njoftuan mjekët.

Deri më sot, studiuesit kanë konfirmuar vetëm 23 raste të ri-infektimit me Covid-19,  4 prej të cilëvë janë në raste më të rënda se në infektimet e para.

TAG:
• hollande
• Koronavirus