POP 5

Lajmet më të lexuara të 5 minutave të fundit

Kronikë

Shëndeti

Pacientja nga Tirana dërgohet në Spitalin e Elbasanit! Familjarët: Është në gjendje të rëndë, u la 2 orë në ambulancë

Pacientja e Sanatoriumit dërgohet në gjendje të rëndë në spitalin e Elbasanit dhe pas 2 orësh e lënë në ambulancë, mjekët i bën vizitat dhe e dërguan në QSUT për probleme me zemrën.

Mbyllja e Sanatoriumit në Tiranë dhe kthimi i tij në spitalin COVID 2, ka bërë që pacientët e tij të transferoheshin në spitalin e Elbasanit. Një mos koordinim i mirë i punës ka bërë që një paciente 68-vjeçare nga Tirana në gjendje të rëndë me mushkëritë dhe probleme në rrugët e frymëmarrjes të qëndrojë për rreth 2 orë në autoambulancë pa trajtim e kujdes të mjekëve.

Pacientja  ishte dërguar për t'u vizituar në spitalin "Shefqet Ndroqi" dhe pasi iu konfirmuar se ajo nuk ishte mbartëse e COVID -19 dhe kishte probleme me mushkëritë u dërgua për mjekim në Spitalin e Elbasanit. Ishte e bija që bëri denoncimin se e ëma po sorollatej rrugëve në një kohë kur mezi mbushej me frymë.

"E çuam te urgjenca e sanatoriumit na thanë do shkoni në Elbasan se ka shkuar atje. Shkuam tek urgjenca e Elbasanit na nxorën jashtë, na sollën këtu në spital, as këtu nuk na pranojnë. Ajo ka probleme me mushkëritë dhe mbi dy orë qëndrojmë në ambulancë në gjendje të rëndë. Nuk është marrë vesh urgjenca e Tiranës me këtë në Elbasan. Nëna ka rezultuar negative pas testimit me COVID-19", tha e bija.

Pas më shumë se 3 orësh, mjekët e spitalit të Elbasanit vizituan pacienten 68-vjeçare, i bënë skanerin dhe vendosën dërgimin e saj te QSUT pasi përveç problemeve në mushkëri, ka probleme të rënda kardiake, të cilat mund të kërkojnë ndërhyrje kirurgjikale.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

VKM e Qeverisë/ Ndryshon emri dhe numri i Këshillit Kombëtar të Territorit, nga 9 bëhet me 11 anëtarë! Shtohen Mbrojtja dhe Shëndetësia, tani do jetë KKTU

26 Dhjetor, 22:31