TIRANE-Fatin e Gjykatës Kushtetuese që u fut në ngërç mund të ketë edhe Këshilli i Emërimeve në Drejtësi (KED) pas lëvizjeve të Presidentit Ilir Meta. Fillimisht kreu i shtetit u përplas me KED duke emëruar emrin e dytë (Marsida Xhaferllari) për të njëjtin vend në gjykatën Kushtetuese, pasi më parë ishte emëruar anëtarja Arta Vorpsi, automatikisht si e para në listë pas përfundimit të afatit 30 ditorë që presidenti Meta kishte në dispozicion për të zgjedhur. Ndërsa me kallëzimin e djeshëm penal kundër Ardian Dvoranit që dorëzoi në tre prokurori, Presidenti rrezikon që të fusë në kaos KED-në, organin që liston pikërisht kandidatët për në Kushtetuese.
Shorti për zgjedhjen e anëtarëve të KED do të hidhet në datë 5 Dhjetor, ndërsa funksionimin ky institucion e nis më pas në fillim të vitit 2020 me mandat një vjeçar. Por ligji e përcakton se një person që është në ndjekje penale nga organi i akuzës nuk mund të kandidojë për të qenë pjesë e KED-së. Kjo do të thotë se Ardian Dvorani, që drejton Këshillin e Emërimeve në Drejtësi për shkak të funksionit që ka si anëtar i Gjykatës së Lartë, i ngelur vetëm pas procesit të vettingut rrezikon që të përjashtohet nga rikandidimi nëse ndaj tij do të nisë një proces penal nga prokuroria. E gjithë kjo situatë do të thotë se nëse nis hetimi kundër Dvoranit pas kallëzimit të Ilir Metës ai mbetet jashtë KED-së dhe në kushtet kur nga Gjykata e Lartë nuk ka asnjë emër tjetër (pasi Medi Bici është anëtar i KLGj-së) ky institucion futet në ngërç.
Çfarë thotë ligji për ngritjen e KED-së? Pika 3 e nenit 149/d të Kushtetutës së ndryshuar në vitin 2016, parashikon që Presidenti i përzgjedh me short anëtarët e Këshilli të Emërimeve në Drejtësi, midis datave 1 dhe 5 dhjetor të çdo viti kalendarik, dy gjyqtarë nga Gjykata Kushtetuese, një gjyqtar nga Gjykata e Lartë (që edhe e drejton këtë institucion), një prokuror nga Prokuroria e Përgjithshme, dy gjyqtarë, dy prokurorë nga gjykatat e apelit, si dhe një gjyqtar nga gjykatat administrative. Por nëse Presidenti i Republikës nuk arrin të zgjedhë anëtarët deri në datën 5 dhjetor, Kryetari i Kuvendit i zgjedh ata me short brenda datës 10 dhjetor.
Pra, nëse Meta refuzon ta ushtrojë këtë funksion, procesi do të kalojë në duart e Kuvendit. Sa i takon kompetencave, kryetari i KED përgatit, thërret dhe drejton mbledhjet e Këshillit, përfaqëson Këshillin në marrëdhëniet me të tretët, harton dhe bën publik raportin vjetor mbi veprimtarinë e Këshillit, siguron dokumentimin e mbledhjes se këshillit dhe mbajtjen e dokumentacionit si dhe nënshkruan aktet e verifikimit të kandidatëve, vlerësimit dhe të renditjes dhe ia përcjell ato organit të emërtesës.
Por përpos gjykatës së Lartë që nuk ka anëtar tjetër përveç Dvoranit, e komplikuar është zgjedhja e dy anëtarëve të Këshillit të Emërimeve në Drejtësi në radhët e anëtarëve të Gjykatës Kushtetuese, për shkak se për një vend vakant në këtë gjykatë, janë emëruar dy anëtare, Arta Vorpsi dhe Marsida Xhaferllari. Arta Vorpsi, e renditur e para me pikë nga KED, është zgjedhur automatikisht anëtare e Gjykatës Kushtetuese, pasi Presidenti Meta nuk e ushtroi të drejtën për të emëruar një nga tre kandidatët e renditur në krye të listës. Por, disa ditë pas mbarimit të afatit ligjor, Meta dekretoi si anëtare të Kushtetueses Marsida Xhaferllarin, e renditur e katërta në listën që KED i dërgoi Presidentit. Mazhoranca dhe Kuvendi njohin zonjën Arta Vorpsi si anëtare të ligjshme, ndërsa Presidenti Meta, opozita dhe anëtarja Vitore Tusha njohin Marsida Xhaferllarin si anëtare të ligjshme.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Apeli i Posaçëm shpall vendimin për Bandën e Cërrikut! Tre anëtarë dënohen me burgim të përjetshëm
21 Nëntor, 19:42 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36
Dridhe like dridhe. Vetem mos harro se burgu po te pret.
PërgjigjuO Zot si tallen me popullin!! Cdo here do ta gjejne nje marifet per te krijuar mosfunksionim te institucioneve te drejtesise. Si ka mundesi qe vetem per keto mendojne, si te shpetojne koken e tyre!!
Përgjigju