POP 5

Lajmet më të lexuara të 5 minutave të fundit

Ekonomi

Pagat janë në ulje, Banka e
Shqipërisë kundër Berishës

Banka e Shqipërisë ka publikuar dje raportin e saj periodik lidhur me politikën monetare, ku konstatohet se, ndërsa punësimi po njeh stanjacion, pagat shënojnë ulje. Edhe viti 2013 do të jetë një vit i vështirë.
Pagat janë në ulje, Banka e <br />Shqipërisë kundër Berishës
TIRANE- Banka Qendrore kundërshton deklaratat e vazhdueshme të kryeministrit Sali Berisha lidhur me rritjen e nivelit të pagave. Sipas raportit të politikës monetare, të publikuar dje nga ky institucion, pagat vitin e kaluar kanë rënë, si në terma realë ashtu edhe në terma nominalë.

“Ballafaqimi i kërkesë-ofertës ka përcaktuar një nivel më të ulët të pagave”, theksohet në raport, ku shtohet gjithashtu se “paga mesatare në ekonomi vazhdoi trendin rënës, të nisur që prej tremujorit të parë të vitit, por me normë më të ulët, edhe në tremujorin e tretë. Kërkesa e ulët për punë gjatë këtij viti është shoqëruar me reduktimin e pagave”.

Sipas Bankës, “e deflatuar me indeksin e çmimeve të konsumit, paga reale shënoi rënie vjetore 8.07%”. Ndërkohë, sipas të njejtit raport, rritje pagash qeveria ka kryer vetëm për administratën. “Në sektorin publik paga mesatare ka vazhduar rritjen, duke shënuar normën vjetore prej 7.6%. Në terma realë, kjo rritje rezulton 4.7%”, sipas BSH.

Raporti thekson se 2012-a ka qenë një vit i vështirë, me rënie të kreditimit dhe konsumit, jo vetëm nga shkaqe të jashtme. Ndërkohë, edhe viti 2013 do të jetë një vit i vështirë për ekonominë shqiptare, sipas bankës qendrore. Në raport theksohet se pritet të “ngadalësohen investimet private”, ndërkohë që “qytetarët dhe bizneset ndjehen të pasigurt për të ardhmen”.

Tregues pozitiv ka qenë vetëm ai që lidhet me tregun e banesave. Në kushtet e rënies së ndjeshme të kërkesës, indeksi i çmimit të banesave në tremujorin e katërt ra me rreth 11.9%, i deflatuar me inflacionin. Indeksi i qirasë për Tiranën shënoi një rënie të theksuar me rreth 12.3% në terma nominalë vjetorë, duke konfirmuar prirjen e nisur që nga tremujori i kaluar. Në terma vjetorë realë, indeksi i qirasë u ul me rreth 14.5%.

Shkrimi u publikua sot ne gazeten Shqiptarja.com
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

“Goca e Kaçanikut” rikthehet në skenën e TKOB pas 45 vitesh

“Goca e Kaçanikut” rikthehet në skenën e TKOB pas 45 vitesh

26 Nëntor, 14:29 nga Blerina Goce