Pak para se të nisej në Bruksel për bisedime, Vuçiç mesazh opozitës serbe: S’jemi tradhtar nëse nënshkruajmë diçka! Do luftoj që Serbia të ecë përpara, s'ka kthim në vitet '90

Presidenti serb, Aleksandër Vuçiç ka ndarë një mesazh pak para se të nisej për bisedimet në Bruksel. Vuçiç iu drejtua me një mesazh opozitës, e cila e ka vënë në qendër të kritikave për propozimin franko-gjerman dhe ecurinë e dialogut me Kosovën. Vuçiç nënvizon se nuk janë tradhtar nëse firmosin dhe se Serbia do të ecë përpara.

“Dua të falënderoj atë pjesë të popullit në Serbi, e cila nuk është e madhe, por që ka besim në udhëheqjen e saj shtetërore dhe beson se ne do të bëjmë atë që është më e mira për vendin tonë. Për ata që po përgatiten të na sulmojnë paraprakisht, se ne kemi nënshkruar diçka dhe sipas tyre jemi tradhtarë, dijeni se jemi fajtor. Jemi fajtor që nuk po kthehemi në vitet ’90. Por mos u shqetësoni, ne do kujdesemi për të gjitha.  Nuk do të ketë kapitullim dhe nuk do të ketë kthim në '90. Serbia do të ecë përpara, sado e vështirë të jetë dhe ne do të arrijmë të luftojmë për të - tha presidenti.

LEXO EDHE:
Kurti: Kryetarët në veri largohen vetëm përmes votimeve, e jo bandave

Lajmi kryesor:

S'ka marrëveshje në Bruksel, por 'plani franko-gjerman' pranohet nga palët! Borrell: Zhvillim i madh! Vuçiç: Kosova s’pranon Asosacionin! Kurti: Serbia s’ishte e gatshme të firmoste

G.MO/Shqiptarja.com

TAG:
• Kurti Vuçiç në Bruksel
• Bruksel
• plani franko-gjerman
• Josep Borrell
• aleksander vucic
• Albin Kurti