Kryetarja e Komisionit të Medias dhe Edukimit, Fatjona Dhimitri ka deklaruar se do të bojkotojë Komisionin dhe Parlamentin, pasi sipas saj dy projekt ligjet e paketës Anti- Shpifje do të kenë pasoja të rënda për mediat në Shqipëri, që do të çojnë në censurë.
"Mendova se do reflektonit,por shumica do qe te kalohet paketa. Kuvendi i Shqipërisë nuk po jep asnjë shenjë tërheqje, por me arrogancën që e karakterizon kërkon ta votojë në parlament. Jam përpjekur që me anë të seancave dëgjimore të thërras të gjjtha grupet interesit të cilët janë shprehur të shqetësuar për thelbin e këtyre dy projektligjeve. Aty ku vetrregullimi kthehet në ligj, jemi në censurë. Për mua është e qartë se këto dy projektligje është një kërcënim i madh, shkelje e Kushtetutës dhe Konventave ndërkombëtare, një marrëzi. Shpall bojkotin e Komisionit dhe Parlamentit, të marrin parasysh deputët pasojat që do ketë ky ligj. I bashkohem protestës së gazetarëve", tha Dhimitri.
Mbledhja ka vijuar nën drejtimin e nënkryetares, Milva Ikonomi.
"Nuk është rasti të bëjmë asnjë koment, qëndrimi është i përsëritur. Ka edhe qëndrime etike që nuk janë të përshtatshme", tha Ikonomi.
Me vijimin e mbledhjes, deputeti Erion Piciri mbajti të njëjtin qëndrim si kryetarja e Komisionit, kur tha se qeveria duhet të tërhiqet nga kjo paketë. Në mënyrë demonstrative pasi shprehu qëndrimin kundër, edhe deputeti Piciri u largua nga mbledhja e Komisionit të Medias.
"Ju i keni numrat, por të paktën na lini vetëm dy minuta të mbaj një qëndrim publik. I kërkoj qeverisë të tërheqë dy projektligjet e paketës anti-shpifje të kapjes së masmedias. I bashkohen thirrjes së organizatave të gazetarëve dhe shoqërisë civile dhe atyre ndërkombëtare që kërkojnë tërheqjen e projektligjeve nga axhenda e parlamentit. Të mos lejojnë sot një grusht shteti institucional të ndarjes balancimit dhe kontrollit të pushtetit, tentativa e kapjes së medias është akti anti-evropian që e hedh Shqipërinë drejt modeleve sovjetike. Nuk duhen lejuar mendjet e sëmura të vënë dorë mbi shtetin demokratik. Një karrierë ka vlerë kur i shërben kombit. U bëj thirrje shqiptarëve të ruajnë lirinë e shtypit, kjo e dallon një komb të prapambetur nga një i civilizuar. Në shenjë kundërshtimi të plotë, largohem edhe unë nga mbledhja, me bindjen se këto nene nuk duhen diskutuar por duhet tërhequr gjithë drafti", tha Piciri.
Lajmi kryesor:
'Ligjet' miratojnë paketën Anti-Shpifje me disa ndryshime! 'Media' ul gjobën ndaj portaleve (VIDEO)
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47
