Paketa e dytë e ndihmës financiare, Denaj: Kush është refuzuar apo s'ka përfunduar duhet të plotësoj këtë formular

Për të gjithë të interesuarit, subjekte apo individë, të cilët konsiderojnë se mund të jenë përfitues të ndihmës financiare të paketës së dytë, por kërkesa e tyre është refuzuar apo nuk i është dhënë mundësia për të aplikuar duhet të plotësojnë formularin-ankesë që ndodhet në faqen zyrtare të Drejtorisë së Përgjithshme të Tatimeve. Këtë e ka bërë të ditur ministrja e Financave, Anila Denaj.

“Për qytetarët në procesin e përfitimit të Paketës së Dytë Anti-COVID. Nga sot lehtësojmë procesin për verifikimet e individëve. Çdo punëmarrës që mendon se mund të jetë përfitues i Paketës së Dytë mund të plotësojë Formularin 2 të Ankesës në adresën [email protected]. Formulari duhet të plotësohet nëse biznesi ku ju punoni nuk ka bërë aplikimin për Paketën", shkruan ministrja Denaj.

Nga paketa e dytë janë përfitues ato punonjës që nuk përfituan nga paketa e parë financiare apo paga e luftës thënë ndryshe. Në paketën e dytë të punësuarit që u prekën nga koronavirusin nga do të marrin një pagesë të vetme prej 40 mijë lekësh të reja.  Formati 1  është për subjekte dhe Formati 2 është për individë. Është e rëndësishme që ankesa e dërguar nga individët duhet të përmbajë NIPT e subjektit në të cilin është i punësuar dhe ka aplikuar, NID përkatës të individit si dhe të dhëna të tjera të kërkuara në formular.

Kliko këtu për të plotësuar formilarin.

TAG:
• drejtoria e tatimeve
• anila denaj
• paketa financiare