TIRANE- Nga data 1 janar ka hyrë në fuqi ndryshimi i normës së taksimit mbi të ardhurat personale, përveç normës së tatimit mbi të ardhurat e përfituara nga paga. Për të ardhurat nga paga taksimi do të mbetet i njëjtë, duke i qëndruar edhe këtë vit programit të qeverisë së majtë, sipas të cilit, kush fiton më pak, paguan më pak dhe, kush fiton më shumë, paguan më shumë, pra logjikës së tatimit progresiv.

Qeveria e mëparshme kishte vendosur taksën e sheshtë edhe mbi pagat, në masën 10%, ndërkohë që aktualisht për pagat e larta përdoren norma deri në 23 për qind.