POP 5

Lajmet më të lexuara të 5 minutave të fundit

Ekonomi

Paketa fiskale, Konfindustria
qeverisë: Mos rrisni taksat

Konfindustria ka kërkuar që qeveria të mos rrisë taksat ndaj biznesit. Në një reagim të saj, Konfindustria thotë se, nëse do rritet TVSH-ja bizneset e huaja do të largohen nga Shqipëria.
Paketa fiskale, Konfindustria<br />qeverisë: Mos rrisni taksat
TIRANË - Konfindustria ka kërkuar që qeveria të mos rrisë taksat ndaj biznesit. Në një reagim të saj, Konfindustria thotë se, “me rastin e përgatitjes së paketës fiskale të vitit 2014, do ti kërkojë zyrtarisht ekzekutivit shqiptar, që jetë e kujdeshme për të vazhduar me çdo kusht politikën e taksave të ulta dhe në mbrojtje tëe prodhimeve vendore”.

“Konfindustria vlerëson, se në kushtet e vazhdimit të tkurrjes së ekonomisë vendore edhe në pjesën e dytë të vitit financiar 2013, si pasojë e goditjeve të krizës globale, është e domosdoshme të nxiten nismat investuese dhe sidomos tërheqja e investitorëve të huaj.

Në këtë kuptim çdo ndryshim në rritje i nivelit të taksimit të sotëm prej 10%, duke zbatuar shkallën e progresivitetit pa dallim në të gjithë kategoritë e biznesit, do të prodhonte pasoja të drejtpërdrejta të padëshirueshme në shtimin e investimeve”, thuhet në deklaratën e bërë nga Gjergj Buxhuku, administrator i Përgjithshëm i Konfindustrisë.

Sipas kësaj organizate, mbi të gjitha progresiviteti i taksimit do të ulte konkurencën e Shqipërisë në tërheqjen e investimeve të huaja, “krahësimisht vendeve të tjera të rajonit si Maqedoni, Serbi, Mal i Zi, Bullgari,etj., që pa përjashtim zbatojnë sistemin e taksës së sheshtë 10% për fitimin dhe të ardhurat”.

Konfindustria i ka kërkuar ekzekutivit, që të jetë e kujdeshme edhe në përcaktimin e produkteve dhe shërbimeve për të cilat mund të ulet niveli TVSH/tatimi i vlerës së shtuar. “Për të gjitha prodhimet fundore në treg, që prodhohen në vend, është e këshillueshme, që niveli i sotëm i TVSH-së prej 20% të mos preket.

Përkrahja e shtresave shoqërore në nevoje të kryhet nëpërmjet parashikimit në buxhetin e shtetit dhe jo politikave fiskale, që do të ishin plotësisht të pafrytshme”, thotë Konfindustria.

“Ne rast të kundërt do të kishim goditje të konkurrencës së prodhimeve vendore në favor të prodhimeve të ngjashme të huaja me pasoja të padëshirueshme për ekonominë kombëtare”, përfundon deklarata e bërë nga Konfindustria në lidhje me përgatitjet që po bën qeveria Rama për buxhetin dhe Paketën Fiskale të vitit 2014.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

28 Nëntor, 19:40