Paketa për mbrojtjen e mjedisit me vlerën më të madhe ndonjëherë! Biden nënshkruan ligjin

Paketa për mbrojtjen e mjedisit me vlerën më të madhe ndonjëherë! Biden nënshkruan ligjin

Joe Biden

Presidenti amerikan Joe Biden njoftoi se javën e ardhshme do të nënshkruajë një ligj të rëndësishëm për klimën. Ligji që synon të mbrojë mjedisin, me vlerë 430 miliardë dollarë, konsiderohet paketa më e madhe për të luftuar ndryshimet klimatike në historinë e SHBA-së. Kjo paketë është projektuar për të reduktuar emetimin e gazrave të dëmshëm.

Nga shuma e planifikuar, 370 miliardë dollarë do të drejtohen për përpjekjen kundër ndryshimeve klimatike, që është ligji më bujar për ndryshimet klimatike i miratuar nga Kongresi amerikan deri më tani.

Projektligji u ofron bizneseve dhe familjeve miliarda stimuj për të blerë automjete elektrike dhe pajisje me efikasitet energjie, si dhe për të inkurajuar investime të reja në energjinë e erës dhe diellit që do të dyfishonin sasinë e kapaciteteve të reja të prodhimit të energjisë së pastër.

Kjo do të ndihmonte SHBA-në që të gjente rrugën e duhur për të përmbushur premtimin e saj për të përgjysmuar emetimet e gazeve serrë nën nivelet e vitit 2005 deri në vitin 2030.

Sipas raportit më të fundit të OKB-së për klimën, bota ndodhet drejt një “rruge katastrofale “dhe se ngrohja globale kërcënon “me humbje masive të jetëve të njerëzve.”

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Banesë pa dyer e dritare, Report Tv në familjen e varfër në Kombinat! Kryefamiljarja: Vini dorën në zemër, na ndihmoni

Banesë pa dyer e dritare, Report Tv në familjen e varfër në Kombinat! Kryefamiljarja: Vini dorën në zemër, na ndihmoni