Paketat shëndetësore, shërbimet
falas edhe në spitalet private

Pacientët të cilët presin me muaj apo vite në radhe për të kryer një ekzaminim të koronarografisë, bypassit, dializës apo edhe operacioneve si ai i transplatit, tashmë do të marrin këtë shërbim falas edhe në spitalet private të cilat do të lidhin kontratë më shtetin. Ministria e Shëndetësisë ka nisur procedurat për blerjen e 10 paketave të shërbimeve për të cilat pacientët presin me muaj të terë në shtet që t`ju vijë radha. Por këtë herë jo më, me çmimet e vendosura nga privatët, por sipas kostove të llogaritura nga Fondi i Sigurimeve të Kujdesit Shëndetësor. “Tashmë 3 spitale jopublike kanë pranuar ti bashkohen kësaj nisme dhe me Fondin e Sigurimeve janë në ditët e fundit të mbylljes së aspekteve administrative dhe ligjore të Kontratave”, ka pohuar Ministri i Shëndetësisë, Ilir Beqaj.