POP 5

Lajmet më të lexuara të 5 minutave të fundit

Bota

Pakistan, dhjetëra të vrarë në ditën e votimit

Pakistani është goditur nga dhuna në ditën e zgjedhjeve të saj të përgjithshme, me të paktën 31 të vdekur dhe 40 të tjerë u plagosën në një shpërthim jashtë një qendre votimi në jugperëndim të Pakistanit të mërkurën.
Pakistan, dhjetëra të vrarë në ditën e votimit

Pakistan shpërthim jashtë një qendre votimi

Pakistani është goditur nga dhuna në ditën e zgjedhjeve të saj të përgjithshme, me të paktën 31 të vdekur dhe 40 të tjerë u plagosën në një shpërthim jashtë një qendre votimi në jugperëndim të Pakistanit të mërkurën, vetëm pak orë pasi banorët filluan të votonin në zgjedhjet parlamentare. Shteti Islamik mori përgjegjësinë për sulmin në Kueta, kryeqyteti i provincës së Baluçistanit, ku ka patur akte të dhunshme edhe gjatë fushatës zgjedhore.

Sipas një zyrtarit të lartë të policisë, një vetëvrasës që po udhëtonte me motoçikletë, vuri në shënjestër një turmë jashtë një qendre votimi në Kueta.Në mesin e viktimave kishte votues, policë dhe aktivistë të partive politike. Pjesmarrësi në votime Akber Khan ishte dëshmitar i sulmit

Pasi votova shkova në dyqan për të blerë një pije të ftohtë sepse isha i lodhur. Shpërthimi ndodhi menjëhërë pasi dola nga dyqani. Ne u shtrimë në tokë, shumica e njerëzve filluan të vraponin. Pas 10 minutave kur përfundoi kaosi, filluam të ndihmonim të plagosurit duke i transportuar në spital me makina private pasi makinat e ndihmës së shpejtë ende nuk kishin arritur në vendin e ngjarjes.

 Akber Khan

Shteti Islamik mori përgjegjësinë për shpërthimin e së mërkurës në Kueta, kryeqyteti i provincës Baluçistan, ku 149 persona u vranë në një tubim elektoral më parë këtë muaj.

Votimi i së mërkurës i dha fund një fushate të hidhur të zgjedhjeve të përgjithshme të përfshira nga dhuna dhe akuzat për ndërhyrje nga strukturat e fuqishme ushtarake të vendit.

Këto zgjedhjet u karakterizuan nga një garë e fortë mes ish-kryeministrit Nawaz Sharif nga Lidhja Pakistaneze Myslimane-Nawaz (PML-N) dhe partisë Pakistan Tehreek-e-Insaf (PTI), të udhëhequr nga ish lojtari i famshëm i kriketit Imran Khan, i cili ka premtuar çrrënjosjen e korrupsionit dhe krijimin e një "shteti islamik të mirëqenies".

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55