PAKISTAN  - Së paku 73 persona kanë humbur jetën në Pakistan pas shirave të shumtë që sollën përmbytje të shumta kryesisht në provincat verilindore, Punxhab dhe Azad Kashmir.

Pamjet televizive tregojnë një helikopter ushtarak duke evakuuar njerëz të bllokuar nga përmbytjet në qytetin garnizon Ravalpindi, afër Islamabadit.

Autoritetet për menaxhimin e katastrofave në vend kanë lëshuar alarmin për rritjen e nivelit të lumenjve, ndërkohë që po bëjnë evakuimin e banorëve nga zona.

Gjatë 4 viteve të fundit, Pakistani ka pësuar përmbytje të rënda vdekjeprurëse. Rreth 1800 persona kanë vdekur nga përmbytjet e vitit 2010.
 
Redaksia Online