POP 5

Lajmet më të lexuara të 5 minutave të fundit

Bota

Pakistan/ Sulm terrorist në stacionin e trenit, kamikazi vret 24 persona, 40 të plagosur! Ushtria e Balochistanit e merr përsipër, ja momenti i shpërthimit (VIDEO)

Bomba shpërtheu në stacionin hekurudhor të Quetta, pranë kabinës së biletave, ku po prisnin 100 udhëtarë. Separatistët e BLA marrin përsipër sulmin terrorist dhe thotë se u krye ndaj një njësie ushtarake që po kthehej nga trajnimi. Autoritetet nuk e konfirmojnë

Pakistan- Një sulm i mundshëm terrorist me kamikaz ka ndodhur në Pakistan me një bilanc tragjik. Shpërthimi i një bombe në stacionin hekurudhor la të paktën 24 të vdekur dhe 40 të tjerë u plagosën me shkallë të ndryshme plagësh.

Ngjarja ndodhi në qytetin Quetta ditën e sotme (9Nëntor). Sipas policisë, shpërthimi ka ndodhur pranë kabinës së biletave, pak para nisjes së një treni. Më shumë se 100 njerëz ishin duke pritur për Jaffar Express, në qytetin e Rawalpindi në Punjab, raporton “La Repubblica”.

Të vdekurit dhe të plagosurit janë dërguar në Spitalin Civil të Quetta. Një video e publikuar nga media të shumta lokale, duket se tregon edhe momentin tronditës të shpërthimit të dhunshëm.

Sulmi u mor përsipër nga Ushtria Çlirimtare e Balochistanit (BLA), një grup separatist etnik Baloch. Jeeyand Baloch, zëdhënës i BLA, tha:

"Një sulm vetëvrasës u krye në një njësi të ushtrisë pakistaneze në stacionin hekurudhor të Quetta-s, ndërsa ata po ktheheshin përmes Jaffer Express, pas përfundimit të një kursi në shkollën e këmbësorisë".

Sulmi u krye nga një sulmues vetëvrasës nga Brigada Majeed, skuadra vetëvrasëse e BLA-së. Në këtë kohë, nuk është konfirmuar në mënyrë të pavarur se ky sulm është kryer kundër personelit të ushtrisë pakistaneze.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • 3D: 09/11/2024 09:09

    Vepër e ndyer krimi e agjenturave të huaja

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41