Paloka: Basha u pasurua pas çdo humbjeje, PD dhe demokratët nuk do të mbeten pengjet e tij

Deputeti i PD, Edi Paloka ka kujtuar një nga deklaratat e fundit të kryedmeokratit Lulzim Basha “nuk kam humbur asnjëherë” duke thënë se kjo është vërtet, pasi atij i është shtuar pasuria pas çdo disfate.

Paloka tha se ata që kanë humbur janë demokratët.

Deputeti tha se PD dhe demokratët nuk do të mbeten pengjet e Bashës.

“Sinqeriteti i L.B

Dy herë, me dy deklarata të tij se fundmi, L.B është treguar vërtetë i sinqerte !

Deklaroi se “nuk ka humbur asnjëherë” !

Shumë e vërtetë, ai nuk ka humbur asnjëherë, përkundrazi pas çdo humbjeje të PD atij i janë shtuar pasuritë . Ata qe kanë humbur kane qenë demokratët.

Tani deklaron se është gati të bej çdo gjë që ka në dorë por jo dorëheqjen që i kërkon grupi i tij. Kjo për arsyen e thjeshtë se dorëheqjen nuk e ka ne dore ai, po ata që e mbajnë peng !

Por as PD as demokratet nuk mund te mbeten peng i tij. Tani rruga për t’u ndjekur dihet . Secili bën zgjedhjen e tij.”, shkruan Paloka në një postim në rrjetin e tij social Facebook.

Lajmi kryesor:

Këlliçi: I vetmi moment që Basha bashkoi demokratët ishte për dorëheqjen e tij

J.GJ./Shqiptarja.com

TAG:
• Lufta brenda PD
• lulzim basha
• PD
• belind këlliçi