Himarë- Sezoni veror shoqërohet edhe me tentativa abuzimi nga pronarët e bizneseve buzë plazheve apo vijës bregdetare, për të përfituar sa më shumë dhe shmangur detyrimeve tatimore.
Policia e Vlorës njoftoi sot (15 Gusht) se ka zhvilluar bashkë me Komisariatin e Himarës një operacion në kuadër të atij “Plazh i lirë” në shkallë kombëtare, duke proceduar shkelësit që kishin zënë hapësirën.
Ndërhyrja u bë në zonën e Gjipesë, ku u bllokuan 175 çadra dhe shezlongë të vendosur pa leje. Nën akuzë u morën 2 nga personat e dyshuar, teksa procedimi do ndiqet nga prokuroria vendore.
![](https://shqiptarja.com/template/img/NO_ALFA_Kuadrate shqiptarja.png)
“Pas kontrolleve dhe verifikimeve të kryera nga Stacioni i Policisë Dhërmi, në bashkëpunim me bashkinë Himarë, Agjencinë Kombëtare të Bregdetit dhe me Agjencinë e Zonave të Mbrojtura, është konstatuar se 2 shtetas kishin zënë hapësirë bregdetare në Gjipe, me 175 çadra dhe shezlongë të vënë pa leje”, sqaroi policia vendore.
Të dyshuarit e marrë nën hetim janë A. Z., dhe B. Sh. “Gjithashtu, pas sekuestrimit të çadrave dhe shezlongëve, është liruar hapësira bregdetare e zënë në kundërshtim me ligjin”, tha policia. Teksa shtoi se “kontrollet dhe verifikimet në kuadër të planit operacional “Plazh i lirë”, po vijojnë”.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Dhe si gjithmonë aksionet për lirimin e plazheve ndodhin pikërisht ne fund te gushtit vetëm pak ditë para mbarimit te sezonit. #policiaqeduam
PërgjigjuFukarai nuk paska pagur paratë bandave që marin paratë në emër të Shtetit.
Përgjigju