Depuetja e Partisë Demokratike, Oriola Pampuri i ka dalë në mbrojtje kreut të PD-së, Lulzim Basha, duke theksuar se gara për kryetaren e PD-së është legjitime dhe demokratike. Duke ju përgjigjur reagimit të kryetares aktuale të këtij Forumi, Albana Vokshit, e cila e quajti vendimin e kreut të PD-së për të zhvilluar zgjedhje të reja si abuziv dhe uzurpues, thotë se ajo është emëruar në këtë post pa garë nga kryetari që në 2009. Sipas Pampurit, mandati i Vokshit ka skaduar prej të paktën 8 vitesh dhe askush nuk mund të pretendojë për legjitimitetet apo demokraci në drejtimin e LDG.
‘Nuk ka asgjë antidemokratike në vendimin e Kryetarit Basha për të zgjedhur Kryetaren e re të LDG dhe strukturat inekzistente drejtuese të Lidhjes. Zgjedhja e kryetares së LDG-së me parimin “një anëtar, një votë” është një lajm i mirë për të gjitha gratë dhe vajzat demokrate, që besojnë tek PD dhe duan të japin kontributin e tyre.
![]()
Zonja Albana Vokshi është emëruar në ketë detyrë që në vitin 2009 nga Kryetari i PD, pa garë. Mandati i saj ka skaduar prej të paktën 8 vitesh dhe askush nuk mund të pretendojë për legjitimitetet apo demokraci në drejtimin e LDG.
Shumë pak e dinë, por LDG nuk ka patur në 12 vjet asnjë strukturë përveç Kryetares me mandat të skaduar. Zonja Vokshi nuk e miratoi kurrë statutin e LDG, siç e urdhëron Statuti i Partisë, nuk hapi kurrë garë për asnjë strukturë drejtuese të Lidhjes. Nën drejtimin e znj. Albana Vokshit, LDG nuk ka patur as Sekretare të Përgjithshme, as Nënkryetare, as Kryesi, as Këshill Kombëtar. Ky mund të jetë akti më antidemokratik që mund të bëhet ndaj një forumi politik.
Pas procesit të nisur sot nga Kryetari Basha do të sigurohet zbatimi korrekt i statutit të PD, në mënyrë që organizimi i LDG të jetë i ngjashëm me atë të PDSH. Për këtë arsye, Kryesia e PD do duhet të miratojë edhe Statutin për funksionimin demokratik të LDG për t’i dhënë fund praktikës antidemokratike të uzurpimit të Kryetares së Lidhjes për 12 vjet, pa votë.
Suksese zonjave demokrate në këtë proces të rëndësishëm demokratik, që ndodh për herë të parë në Shqipëri dhe që do të jetë modeli më i mirë për përfaqësimin dinjitoz të grave dhe vajzave.- shlruan Pampuri.
Lajmi kryesor:
Pas FRPD, Basha hap garën për të zëvendësuar kryetaren e Forumit të Gruas! Reagon Albana Vokshi: Vendim uzurpues! Do vazhdojmë zgjedhjet në bazë të statutit tonë
![](https://www.shqiptarja.com/template/img/sh_logo1.png)