Në fillim të këtij viti, çdo shkollë ne Lezhë krijoi kopshtin e saj, ku nxënësit mbollën kultura të ndryshme bujqësore, te pershtatura sipas zonave.Pas muajsh pune dhe kujdesi, produktet e kultivuara u prezantuan në panairin bujqësor me titull “Toka Jonë”, i cili u organiza ne shkollen e mesme te bashkuar "Karl Gega" në Balldre.

Nxënës dhe mësues nga 25 shkolla u bënë bashkë për të ekspozuar prodhimet e tyre, duke përcjellë një mesazh të qartë për rëndësinë e mbrojtjes së mjedisit dhe vlerësimit të tokës si një burim jetik për zhvillimin e qëndrueshëm.

“Mesazhi sot është që të gjitha shkollat e ZVA ndodhen këtu sot për të prezantuar produktet bujqësore në vazhdën e nismës ‘Toka në shkollë.’ Ccdo shkollë ka këndin e vet për prodhimi ne produkteve bujqësore. Po japim një mesazh që mos të braktisim fshatin për një jetë më të shëndetshme” tha Lina Guri, drejtore e shkollës ‘Karl Gega’

Kjo iniciativë ka si qëllim që fëmijët të prekin nga afër botën bimore dhe të kuptojnë rëndësinë që ka toka për jetën dhe zhvillimin e tyre, u shpreh drejtoria e Zyres Vendore te Arsimit ne Lezhe Antoneta Suta.

"Produktet flasin vetë sa e sukesshme është kjo nismë dhe sa e rëndësishme është për nxënësit t’i prekin nga afër aktivitete të tilla’ tha ajo.

Panairi u zhvillua në kuadër të një projekti mesimor të iniciuar nga Drejtoria Rajonale e Arsimit ne Lezhë, i cili përfshiu të gjitha Zyrat Vendore të Arsimit në qarqet Lezhë, Shkodër dhe Kukës. Përmes këtij angazhimi, nxënësit jo vetëm mësuan mbi procesin e kultivimit të bimëve, por edhe fituan njohuri praktike mbi kujdesin ndaj mjedisit dhe zhvillimin e qëndrueshëm.