POP 5

Lajmet më të lexuara të 5 minutave të fundit

Ekonomi

Pandemia lë pas recesionin e 2009! Organizata Botërore e Turizmit: Në 5 muaj turizmi botëror ka humbur 320 miliardë dollarë!

Rreth 320 miliardë dollarë përllogariten humbjet financiare vetëm nga goditja që i dha pandemia sektorit të turizmit. Organizata Botërore e Turizmit thotë se humbjet janë 3 herë më të mëdha se recesioni ekonomik i vitit 2007-2009.

Jo vetëm turizmin shqiptar, por pandemia ka goditur mbarë industrinë botërore, ku humbjet janë në miliarda dollarë.  Sipas një vlerësimi të fundit të Organizatës Botërore të Turizmit, kanë mjaftuar 5 muaj pandemi që humbjet të arrijnë në rreth 320 miliardë dollarë, duke kaluar edhe humbjet që pësoi sektori nga recesioni i vitit 2009.

“Midis janarit dhe majit, rënia e papritur dhe e shpejtë e arritjeve turistike kushtoi 320 miliardë dollarë. Kjo është tre herë më e madhe se ndikimi i recesionit të madh të 2007-2009, dhe kjo është vetëm për pesë muajt e parë të vitit”, thuhet në vlerësimin e Organizatës Botërore të Turizmit.

Sipas organizatës as hapja e kufijve nuk është e mjaftueshme për rimëkëmbjen e turizmit madje thuhet se drejtuesit e shtetit duhet të kthejnë sytë nga ky sektor që mban në punë me miliona njerëz.

“Ata që janë në pozicione drejtimi dhe ndikimi, e kanë njohur rëndësinë e turizmi për punë, ekonomi dhe rindërtimin e besimit. Tani, ata duhet të bëjë gjithçka që mundet për t'i bërë njerëzit të udhëtojnë përsëri, duke ndjekur dhe zbatuar të gjitha protokollet të cilat janë pjesë e realitetit të ri”, vijon më tej vlerësimi.

Humbjeve të mëdha nuk mund ti shpëtojë as Shqipëria e cila ka një varësi të lartë ndaj këtij sektori, i cili përbën mbi 22% të PB së vendit. Ekspertët thonë se humbjet do t’i kapërcejnë 1 miliardë euro, ndërsa një ditë më parë INSTAT raportoi për tkurrje të numrit të turistëve në tremujorin e dytë me mbi 75%.

(Kliko këtu për të lexuar vlerësimin e Organizatës Botërore të Turizmit)

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Viti i Ri/ 16 persona u dëmtuan nga fishekzjarret! Proda inspekton policët në detyrë

Viti i Ri/ 16 persona u dëmtuan nga fishekzjarret! Proda inspekton policët në detyrë

1 Janar, 03:33