Në njoftimin e shkurtër organizmi i futbollit shqiptar nuk harron të falënderojë 46-vjeçarin për punën e bërë gjatë këtyre viteve me ekipin kombëtar si dhe për kontributin e dhënë për ngjyrat kuqezi duke i uruar suksese në të ardhmen.
Me bekimin e FSHF-së Tramezzani nis një aventurë të re, tanimë si trajner në drejtimin e Luganos. Skuadra zvicerane i jep mundësinë për të bërë hapin profesional në detyrën e trajnerit të parë pas eksperiencës 5-vjeçare si ndihmës i De Biasit në Kombëtaren kuqezi.
Mediat zvicerane bëjnë të ditur se Lugano pas largimit të Andrea Manzon i shkarkuar ditën e hënë ka gati një kontratë prej dy vitesh e gjysmë për Tramezzanin i cili shumë shpejt pritet të zyrtarizohet në krye të stolit të skuadrës zvicerane.
Redaksia Online
Al.N/Shqiptarja.com