Papa Françesku në Irak: Mosuli është dëshmi e gjallë e asaj që mund të shkaktojë lufta (VIDEO)

Nga rrënojat e katër kishave në Mosul, të shkatërruara midis viteve 2014 dhe 2017 nga sulet e ISIS, Ati i Shenjtë u lut për viktimat e luftës.

“Sot të gjithë së bashku lutemi për të gjithë të rënë në luftë dhe konflikte. Këtu në Mosul, më shumë se në çdo vend tjetër pasojat e luftrave janë të dukshme”, tha Papa Françesku.

Në fund të lutjes, pas inaugurimit të pllakës përkujtimoren u lëshua edhe një pëllumb i Bardhë në fluturim në përkujtim të viktimave të rëna dhe mesazhit të paqes.

LEXO EDHE:
Jubileu 2025, Papa Françesku hap derën e shenjtë në burg

Ndërsa sapo arriti në Mosul ai u prit nga një kor i të rinjve ndërsa të tjerë i hodhën petale trëndafili.

Ai më pas do të udhëtojë me makinë  për në Qaraqosh, aty ku do të takojë personat e dëbuar nga shtëpitë e tyre nga ISIS.  Papa Françesku po viziton Irakun për të inkurajuar komunitetet e të krishterëve të qëndrojnë pavarësisht viteve të luftës dhe persekutimit.

Të shtunën, ai u takua me një klerik të fuqishëm, Shiit, Ajatollah Grandi Ali al-Sistani, i cili tha se të krishterët irakianë duhet të ishin në gjendje të jetonin në paqe. Papa Françesku gjithashtu mbajti një mbledhje historike ndërfetare, duke u dhënë një mesazh të bashkëjetesës paqësore për komunitetet.

Në fund të ditës së tij të fundit, ai do të mbajë meshën në një stadium në Irbil, një qytet në rajonin gjysmë autonom të Irakut Kurd. Mijëra qytetarë pritet të marrin pjesë pavarësisht pandemisë COVID-19.

Papa Françesku shpreson të japë një mesazh shprese, të theksuar edhe më shumë nga natyra historike e vizitës dhe fakti që është udhëtimi i tij i parë ndërkombëtar që nga fillimi i pandemisë së koronavirusit.

TAG:
• irak
• papa Francesku

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1545

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq