Papa Françesku thirrje politikanëve: Refuzoni korrupsionin, jetoni në thjeshtësi dhe transparencë

Papa Françesku thirrje politikanëve: Refuzoni korrupsionin, jetoni në thjeshtësi dhe transparencë

Papa Françesku gjatë pritjes nga presidenti i Panamasë, Huan Karlos Varela

Papa Françesku e nisi vizitën e tij në Panama me një thirrje drejtuar liderëve politikë për të refuzuar të gjitha format e korrupsionit, në një fjalim që ai mbajti para komunitetit diplomatik. Apeli i Atit të Shenjtë ishte që njerëzit me pushtet të jetojnë në thjeshtësi dhe transparencë. 

“Është një ftesë për të jetuar në thjeshtësi dhe transparencë me një ndjesi të qartë përgjegjësie për të tjerët dhe botën. Të bëjmë një jetë që demonstron se shërbimi publik është një sinonim i ndershmërisë dhe drejtësisë dhe kundërshton të gjitha format e korrupsionit”, u shpreh ai.

Papa Francesku do të hapë zyrtarisht ditën botërore të rinisë që ka mbledhur rreth 200 mijë katolikë të rinj nga e gjithë bota, në Panama. Papa 82 vjeçar do të qëndrojë për pesë ditë në vend dhe pas zbritjes nga avioni ai u prit nga presidenti Huan Karlos Varela. Fjalimet e papës në ditën botërore të rinisë zakonisht prekin tema si varfëria, korrupsioni dhe dhuna me të cilën përballen shumë emigrantë në udhëtimet e tyre të shpresës. Grupe pelegrinësh të rinj i janë drejtuar vendit të vogël të Amerikës qendrore prej ditësh.

Papa do të mbajë dy mesha të hapura në Panama City si edhe do të vizitojë të sëmurët me hiv-aids të shtunën. Ai do të vizitojë edhe një qendër burgimi të rinjsh dhe do të dëgjojë rrëfimet e të dënuarve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet