Para pesë vitesh fitoi betejën me kancerin e gjirit, zonja e parë e Sirisë diagnostikohet me leuçemi

Presidenca siriane njoftoi të martën, më 21 maj se zonja e parë e vendit Asma al Assad është diagnostikuar me një formë agresive të leucemisë. Konfirmimi për sëmundjen e saj erdhi pas disa simpomave të shfaqura dhe pas një sërë ekzaminimesh mjekësore, por edhe pas trajtimit me sukses të kancerit të gjirit 5 vjet më parë.

Në deklaratë thuhej se Asma do t'i nënshtrohej një protokolli të veçantë trajtimi që do i kërkonte asaj të izolohej dhe se do të largohej nga angazhimet publike.

Mbështetësit e regjimit shprehën solidaritetin me zonjën e parë siriane, duke i uruar shërim të shpejtë. Ndërsa aktivistët e opozitës shfaqën mungesë simpatie për Al asad, e parë gjerësisht si pjesëmarrëse aktive në shtypjen e përgjakshme të protestave paqësore nga ana e bashkëshortit.

Bankierja e investimeve me origjinë britanike u martua me Bashar Assad në dhjetor 2000 kur ishte 25 vjeç, pesë muaj pasi ai kishte marrë pushtetin pas vdekjes së të atit. Për elegancën e saj, u konsiderua më magjepsëse se sa Rania e Jordanisë, dhe u quajt 'trëndafili i shkretëtirës'. Më pas rezultoi mbështetëse e hekurt e bashkëshortit të saj Bshar al Assad në luftën civile të Sirisë.

Xh.K/Shqiptarja.com

TAG:
• Siri
• Asma al Assad