POP 5

Lajmet më të lexuara të 5 minutave të fundit

Sport

Para sfidës për të mbrojtur titullin ndërkombëtar në kategorinë IFB, Florian Marku flet për BBC: E shoh kundërshtarin si dikë që do të më ndalojë të arrij ëndrrat, ai është armiku im

Në prag të ndeshjes mbrëmjen e sotme në “Virtu Motors Arena” të Neëcastle, boksieri shqiptar Florian Marku ka dhënë një intervistë për BBC. ‘Mbreti shqiptar’ ka folur për rrugëtimin e tij, nga kickbox-i e deri në aventurën e tij në boksin profesionist.

Para sfidës për të mbrojtur titullin ndërkombëtar në kategorinë IFB, Florian Marku flet për BBC: E shoh kundërshtarin si dikë që do të më ndalojë të arrij ëndrrat, ai është armiku im

Florian Marku

TIRANË- Në prag të ndeshjes mbrëmjen e sotme në “Virtu Motors Arena” të Newcastle, boksieri shqiptar Florian Marku ka dhënë një intervistë për BBC. ‘Mbreti shqiptar’ ka folur për rrugëtimin e tij, nga kickbox-i e deri në aventurën e tij në boksin profesionist. Padyshim që Marku nuk ka lënë pa përmendur edhe origjinën e tij shqiptare, si edhe mbështetjen që merr prej shqiptarëve, duke theksuar se janë një frymëzim për të.

“Kam punuar shumë dhe në të gjithë karrierën time numëroj vetëm katër beteja të humbura, teksa të gjithë u befasuan me kalimin tim në një tjetër disiplinë, si boksi. Kam luftuar me çdo emër të lartë të kikboksit nëpër Evropë dhe shqiptarët më ndiqnin. U bëra i njohur kur ndeshesha në MMA dhe publiku më do e më mbështet shumë, teksa më quan edhe “mbreti shqiptar”. Nuk e dija që kishte kaq shumë shqiptarë këtu në Angli, por e mësova kur erdha të ndeshem këtu. Dy ndeshjet e para në Londër, i shita vetë të gjithë biletat dhe mbështetja e publikut shqiptar është një frymëzim i jashtëzakonshëm për mua”, ka thënë Marku për BBC Sport.

Boksieri shqiptar do të përballet sonte në boks me uellsianin Kris Jenkis, për të mbrojtur titullin ndërkombëtar në kategorinë “IFB”. Marku thotë se e përpara sfidave e sheh kundërshtarin si dikë që përpiqet ta ndalojë të arrijë ëndrrat e tij, e kështu kurrsesi kundërshtarin nuk e cilëson dot si mik, por thjesht një armik.

“Lufta në ring ka qenë ëndrra ime, që më ka ndihmuar jo vetëm të mbaj familjen, por edhe të bëhem i famshëm. Besoj te vetja ime më shumë se kushdo tjetër dhe dua të çoj përpara ëndrrën time. Kundërshtari i radhës nuk është më i forti me të cilin jam përballur, por ka shumë eksperiencë dhe besoj se është i duhuri për të vazhduar përpara me rekordet e mia. Kur është java e betejës, unë e shoh kundërshtarin tim si dikë që po përpiqet të më ndalojë të arrij ëndrrat e mia. Ai nuk është miku im, ai është armiku im”, deklaroi Marku.

29-vjeçari shqiptar nuk njeh asnjë humbje në karrierë në 11 luftime, ndërsa sfida me uellsianin do ta ndihmojë për të rritur më shumë popullaritetin, pasi Jenkis numëron 30 ndeshje në boksin profesionist, 23 prej të cilave i ka fitore, 8 me KO.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29