Shqipëria është pjesë e 35 vendeve të listuara nga organizata ndërkombëtare kundër varfërisë, Oxfam, si parajsa fiskale.

Oxfam, e cila ka hartuar një raport të posaçëm, i kërkon Bashkimit Europian që në raportin e ardhshëm për listën e zezë të fusë edhe këto vende.

Organizata paralajmëron gjithashtu se lista e zezë zyrtare e BE-së, që pritet të publikohet javën e ardhshme, ka gjasa që të mos përfshijë parajsat fiskale për shkak të presionit politik nga brenda dhe jashtë Unionit.

Në analizën e saj, Oxfam ka zbatuar kriteret e BE-së për 92 vende të skanuara nga Unioni, përfshirë këtu 28 vendet anëtare të tij. Raporti sugjeron se 35 vendet që nuk janë anëtare të përfshihen në listë, ku figurojnë 4 vende anëtare: Irlanda Luksemburgu, Holanda dhe Malta.

Oxfam druhet se pavarësisht konstatimeve, qeveritë e vendeve të Unionit do të dalin me një listë me përmbajtje të dobët, ose boshe. Lista po hartohte në fshehtësi, gjë që sipas saj e bën vëzhgimin publik të pamundur.

Presidenca malteze e BE-së është shprehur publikisht për një listë të vakët, ndërsa pas një takimi me ministrat e Unionit, qeveria zvicerane ka deklaruar zyrtarisht se nuk pret që vendi i saj të jetë pjesë e kësaj liste.

 

Lista e vendeve jashtë BE-së:

Anguija

Antigua dhe Barbuda

Aruba

Bahamas

Bahrain

Bermuda

Bosnje dhe Hercegovina

Emiratet e Bashkuara Arabe

Gjibraltari

Grinlendi

Guami

Hong Kongu

Ishujt e Virgjër Britanikë

Ishujt e Virgjër Amerikanë

Ishujt Faroe

Ishujt Kuk

Ishujt Kajman

Ishujt Marshall

Kuraçao

Kaledonia e Re

Maqedonia

Mali i Zi

Maurishus

Nauru

Niue

Omani

Palau

Shqipëria

Serbia

Singapori

Tajvani

Trinidad dhe Tobago

Vanuatu

Xhersi

Zvicra

Lista e vendeve të BE-së:

Irlandë

Holandë

Luksemburg

Maltë