POP 5

Lajmet më të lexuara të 5 minutave të fundit

Kultura

'Paranoja' e deputetes së parë qipriote, e shkroi para vdekjes! Lidhja me 'Këngë moj', 'Kompozitori slloven Adamiç në Shqipëri'! Aventurat e 'Djalit më fatlum në botë'!

Rubrika “Në Librari” vjen këtë fundjavë me tre tituj të rinj

Titulli: “Paranoja”
Autore: Rina Katselli
Shtëpia Botuese: “OMBRA GVG”
Çmimi: 800 lekë
Shkrimtare, aktiviste e politikane, Rina Katselli, një zë i fortë qipriot, që me “Paranojën” shënoi romanin e saj të fundit. E shkroi gjatë izolimit pandemik, duke i shtrirë ngjarjet në të kaluarën e afërt. Një rrëfim për njerëz dhe ngjarje të zakonshme ku shpaloset konflikti mes dy familjeve që mban mbërthyer lexuesin me një rrëfim të rrjedhëshëm, me përshkrime e dialogje të gjalla që vijnë në shqip nga Isida Metaj.

Titulli: “Djali më fatlum në botë”
Autor: Danny Wallace
Shtëpia Botuese: “Mediaprint
Çmimi: 900 lekë

Një histori zbavitëse që mbërrin në mesazhe të rëndësishme për vogëlushët përmes humorit dhe një gjuhe të pasur. “Djali më fatlum në botë” e Danny Wallace, rrëfen për djaloshin Joe Smith dhe botën e tij krejtësisht të zakonshme. Jeton në një shtëpi, qytet dhe me një familje krejt normale, derisa një ditë një sondazh e përzgjedh atë si fëmijën më të zakonshëm në vend, çka do t’i ndryshojë katërcipisht jetën dhe Joe e gjen veten të rrethuar me një mal produktesh e dhuratash që duhet t’i provojë. Libri vjen në shqip nga përkthyesi Petro Plasa.

Titulli: “Kompozitori Bojan Adamiç në Shqipëri”
Autor: Vasil Tole
Shtëpia Botuese: “Mediaprint
Çmimi: 1000 lekë

Tekstin e parë të tij lidhur me Shqipërinë e shkruan tre ditë pas mbërritjes, në 5 maj të ’47-ës. Kompozitori Bojan Adamiç erdhi në vendin tonë, kur në sajë të raporteve të ngushta diplomatike ish-jugosllavia na ofronte potencialet e veta. Muzikanti slloven kreu këtu një sërë funksionesh artistike. Përos dirigjimit ai ishte,zë i parë në kor, pianist solo, arranxhues i këngëve dhe krijimtarisë së kompozuar në Shqipëri. Vasil Tole e sjell historinë e tij përmes botimit “Kompozitori Bojan Adamiç në Shqipëri”, bazuar në letërkëmbime, fotografi dhe dokumente.
 

/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29