POP 5

Lajmet më të lexuara të 5 minutave të fundit

Ekonomi

Paratë “e pista”,
hetohen 7 politikanë

Shtatë politikanë janë duke u hetuar për pastrim parash, tha dje në Komisionin e Sigurisë Kombëtare të Kuvendit Genti Gazheli, Drejtor i Drejtorisë së Përgjithshme të Parandalimit të Pastrimit të Parave.
Paratë “e pista”,<br />hetohen 7 politikanë
TIRANE- Shtatë politikanë janë duke u hetuar për pastrim parash, tha dje në Komisionin e Sigurisë Kombëtare të Kuvendit Genti Gazheli, Drejtor i Drejtorisë së Përgjithshme të Parandalimit të Pastrimit të Parave. Gazheli, i pranishëm në një seancë dëgjimore në Komision për të raportuar mbi punën e kryer nga institucioni i drejtuar prej tij në për periudhën janar 2013 – dhjetor 2013, theksoi se ka edhe politikanë nën hetim, ndërsa shtoi se problematika kryesore mbetet ngadalësia e punës së Prokurorisë, që çon në pushimin e shumë çështjeve.

Aktiviteti
“Kemi një rritje të numrit të dyshuarve, sidomos nga muaji nëntor e më tej. Viti 2013 është karakterizuar nga një efikasitet i ulët; po të shohim shifrat gjatë vitit 2012, kemi pasur 22 raste të denoncuara, në vitin 2013 kemi pasur 23 raste të denoncuara dhe vetëm në tre muajt e parë të 2014-ës kemi pasur 20 raste të denoncuara. Kjo tregon se brenda tre muajve të parë të këtij viti është kryer një sasi e pune e barazvlefshme me gjithë vitin 2013”, nënvizoi ai.
 
Bashkëveprimi
Kreu i Drejtorisë së Parandalimit të Pastrimit të Parave, institucion pranë Ministrisë së Financave, vuri në dukje se, pavarësisht vullnetit të mirë që mund të kenë drejtuesit e tij, ecuria e mëtejshme e hetimeve nga Prokuroria mbetet një hallkë problematike. “Gjatë 2013-ës puna nuk ka qenë jo efikase dhe numri i personave të referuar në Prokurori ka qenë me rritje shumë të ulët, por ajo që është më problematike se nga Prokuroria në Gjykatë numri i çështjeve të referuara është shumë më i vogël, ç’ka përbën një pengesë për punën tonë”, theksoi Gazheli.

Më tej, ai bëri të ditur rrugëtimin e tij në krye të këtij institucioni dhe disa prej marrëveshjeve të bashkëpunimit të nënshkruara prej tij. Sipas Gazhelit, gjatë gjashtë muajve të fundit janë kryer trajnime të personelit në të gjithë vendin. Janë nënshkruar marrëveshje bashkëpunimi me Ministrinë e Drejtësisë, me Bankat e Nivelit të parë dhe të dytë, me noterët, me të cilët Drejtoria e Përgjithshme e Parandalimit të Pastrimit të Parave shkëmben online informacin, ashtu si edhe me drejtorinë e tatim taksave.
 
Flagranca
Kjo nënvizoi Gazheli “ka rritur ndjeshëm efikasitetin e punës së drejtorisë sonë dhe për herë të parë në bashkëpunim me Policinë e Shtetit kemi mundësuar arrestimin në flagrancë të një të dyshuari, që më tej me vendim gjykate, ai ka marrë masë sigurie arrest me burg, çka tregon se provat e furnizuara nga ne kanë qenë të vlefshme dhe puna efikase”.

Shkrimi u publikua sot (9.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51