POP 5

Lajmet më të lexuara të 5 minutave të fundit

Sport

Parisi i jep lamtumirën Lojërave Olimpike, Shqipëria theu rekordin e saj historik me dy medalje bronzi

Parisi u ka thënë lamtumirë Lojërave Olimpike Verore në mbrëmjen e së dielës, pas organizimit të garave që janë lavdëruar në gjithë botën.

Parisi i jep lamtumirën Lojërave Olimpike, Shqipëria theu rekordin e saj historik me dy medalje bronzi

Fundi i Lojërave Olimpike

FRANCË - Parisi u ka thënë lamtumirë Lojërave Olimpike Verore në mbrëmjen e së dielës, pas organizimit të garave që janë lavdëruar në gjithë botën.

Ceremonia e mbylljes së Lojërave është mbajtur para 71.500 spektatorëve në stadiumin Stade de France, të cilët kanë duartrokitur gjatë parakalimit të rreth 9.000 atletëve, me flamuj të shteteve të tyre në duar.

Ceremonia ka nisur me heroin Francez të notit, Leon Marchand – fitues i katër medaljeve në këtë Olimpiadë – i cili e ka bartur flakën olimpike prej qendrës së Parisit për në stadium.

Mbyllja e këtyre Lojërave e nis numërimin mbrapsht për organizim të Olimpiadës së radhës pas katër vjetëve në Llos Angjelles.

Përgjatë 17 ditëve të garave janë regjistruar shumë momente mbresëlënëse, dhe janë thyer shumë rekorde nëpër sporte të ndryshme.

Për dallim prej ceremonisë hapëse, ditë me shi në Lumin Sena, ceremonia mbyllëse ka nisur pas perëndimit të diellit në kryeqytetin francez.

Shtetet e Bashkuara kryesojnë për medaljet e fituara në këtë Olimpiadë, 40 të arta dhe 126 në total.

Kina është e dyta, me 91 të tilla.

Shqipëria mori dy medalje bronzi në këtë Olimpiadë në sportin e mundjes. I pari ishte Chermen Valiev i cili dje bëri historinë duke i dhënë Shqipërisë për herë të parë një medalje në Lojërat Olimpike. Ndërsa sot, ishte radha e mundësit tjetër, Islam Dudaev që mori një medalje tjetër të bronzi.

Kosova është përfaqësuar në këtë Olimpiadë me 9 sportistë dhe ka siguruar dy medalje olimpike.

Xhudistja Distria Krasniqi ka fituar medalje të argjendtë, ndërsa xhuditja tjetër, Laura Fazliu të bronztë.

Në total, Kosova gëzon pesë medalje olimpike prej pjesëmarrjeve në tri Olimpiada./ REL

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS abstenon e s'e çon mandatin e Xhaçkës në Kushtetuese, si e vlerësoni?

Lajme të tjera



×

Lajmi i fundit

Enxhi Hoxha: Vjeshta e një opozitarizmi të përçudnuar!

Enxhi Hoxha: Vjeshta e një opozitarizmi të përçudnuar!

13 Shtator, 12:32 nga Enxhi Hoxha