POP 5

Lajmet më të lexuara të 5 minutave të fundit

Kultura

Parku i Amantias, zbulohet skulptura e shekullit I -II para Krishtit! Feimi: Vazhdojnë gërmimet tek Logu i Pazarit

Pjesë të një skulpture, që mendohet se i përket shekullit I apo II p.K. janë zbuluar së fundmi në Parkun e Amantias. Gërmimet arkeologjike në këtë park vijojnë, të përqendruara në zonën që njihet si Logu i Pazarit.

Një tjetër zbulim i rëndësishëm arkeologjik është bërë së fundmi në parkun e Amantias në Vlorë. Pas gërmimeve të kryera është arritur të zbulohet një skulpturë, e cila mendohet se i përket shekullit të parë ose të dytë para Krishtit.

Skulptura, e cila ndodhet në mjediset e Drejtorisë Rajonale të Trashëgimisë nuk është zbuluar e gjitha, por vetëm disa pjesë të saj, ndërsa për më tepër të dhëna në lidhje me kohën dhe rëndësinë e skulpturës duhet fjala e specialistëve.

“Besoj se mund të kemi të bëjmë me një skulpturë, e cila është e shekullit I, II p.K. , por për të qenë më të sigurt në rezultate duhet të studiohet nga specialistët përkatës, pasi skulptura nuk është ruajtur e gjitha dhe nuk janë të gjithë fragmentet e saj të gjetura nga ky gërmim arkeologjik”, tha Orges Feimi, kreu i DRKK-së, Vlorë.

Parku i Amantias mbart një pasuri të madhe të trashëgimisë kulturore materiale dhe jomateriale. Gërmimet në këtë park vijojnë në zonën e përmendur me toponimin Logu i Pazarit apo Pazari i Vjetër, përballë stadiumit antik të Amantias.

“Aty ka themele, rrënoja, të cilat ruhen dhe janë në proces gërmimi arkeologjik për të nxjerrë në dritë monumente të rëndësishme, pjesë të këtij parku arkeologjik. Gërmimi ka rreth një javë që ka filluar dhe besoj do të përfundojë rreth datës 15 nëntor dhe në përfundim do të kemi një tjetër monument të vizitueshëm në Parkun e Amantias, por dhe më shumë informacion”, shton ai.

Krahas Amantias, tashmë kërkime dhe restaurime po kryhen edhe në katër site të tjera të rëndësishme të zonës, në Vlorë dhe në Sarandë, ku mund të përmendim punën restauruese në kullat e Dervish Aliut dhe në fasadën e kishës katolike në Vlorë.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu