GREQI – Deputetët e parlamentit grek po diskutojnë propozimet e reja që u janë dërguar kreditorëve deri natën vonë, ish-ministri i Financave nuk do të marrë pjesë në votimi.

Yanis Varoifakis ka lajmëruar mungesën surprizë në një letër dërguar drejtuesit të parlamentit duke e njoftuar se do të votonte pro, por nuk mund të jetë i pranishëm për arsye familjare.

Ndërkohë, mediet kanë publikuar një foto të tij bashkë me bashkëshorten duke udhëtuar në një ishull ku ka shtëpi pushimesh. Kjo gjë ka sjellë imitimin e shumë grekëve në rrjetet sociale.

Varoifakis ka publikuar dhe një opinion në gazetën britanike “The Guardian” ku pretendon se ministri gjerman i Financave, Wolfgan Schaeuble “kërkon që Greqia të nxirret nga zona euro”.

Deri tani Franca dhe Italia kanë pranuar propozimet, por Gjermania që është kreditorja më e madhe e Greqisë ka paralajmëruar se shumë pak vend për kompromis.

Ndërkohë që qeveria gjermane pret verdiktin e Komisionit Evropian, Fondit Monetar Ndërkombëtar dhe Bankës Qendrore Evropiane, mediet ndërkombëtare duke cituar zyrtarë të zonës euro thonë se Gjermania do t’i refuzoi kushtet.


Parlamenti grek diskuton propozimet e reja të “Syrizas”


Greqia i ka dorëzuar propozimet për reformat ekonomike që duhet të marrë në këmbim të një pakete ndihme financiare nga BE-ja mbrëmjen e së enjtes grupit të Eurozonës pranë KE-së ndërkohë që plani i propozuar nga partia në pushtet "Syrizia" pritet të kalojë për miratim sot në parlamentin grek.

Ndërkohë që Greqia ka afat deri të djelën dhe më pas do të kalojë në samitin e Eurogrupit nga ku ministrat e Financave do të marrin në shqyrtim propozimet. Ndërkohë një zëdhënës parlamentar nga partia ‘Syriza ‘, Nikos Filis , tha se ai kishte besim se  deputetët do t'i japin qeverisë mandatin për të negociuar paketën e re shpëtimit.
Qeveria e koalicionit ka 162 vende në parlamentin dhe po ashtu ka mbështetjen e shumë deputetëve të opozitës .
 
Kryeministri Aleksis Tsipras u prit me duartrokitje në mbledhje dhe në fjalën e tij theksoi se më 5 korrik, populli grek i dha qeverisë mandat për të arritur një marrëveshje më të mirë sesa ultimatumi i fundit i Eurogrupit, dhe jo për ta nxjerrë Greqinë jashtë Eurozonës”.

“Tani për tani ne përballemi me vendime të rëndësishme”, iu tha ai deputetëve të partisë dhe shtoi se me rëndësi është që deputetët e SYRIZA­s të qëndrojnë të bashkuar dhe të fortë për këto vendime kritike. Ose do të qendrojmë së bashku, ose do të largohemi së bashku”, deklaroi Tsipras.
 
Redaksia online
(S.M/shqiptarja.com)