Serie A e futbollit në Itali është në raundin e 20-të. Kjo e dielë sportive nisi në orën 12:30, aty ku Parma mposhti 1-2 vendasit e Lecces. Në orën 15:00 Fiorentina barazoi 1-1 kundër Milanit, ndërsa mbrëmja rezervoi duelin për titull mes Interit dhe Napolit, sfidë që u mbyll 2-2.

Sfidë për ata me zemër të fortë në Milano. Interi dhe Napoli barazuan 2-2 duke mbajtur po atë distancë sa përpara këtij dueli. Pas gjashtë fitoreve radhazi Interi ndalet nga kampionët në fuqi të Serie A. Duhej minuta e nëntë që Dimarco të kalonte zikaltërit në epërsi me një supergol, ndërsa McTominay në minutën e 26-të shënoi për 1-1.

Interi gjeti golin e dytë me Calhanoglu, kjo pasi në minutën e 73-të turku u tregua i saktë nga pika e bardhë e 11 metërshit. Pas protestave për penalltinë, trajneri i miqve, Antonio Conte, pa të dilte nga fusha me kartonin e kuq. Por Napoli nuk u dorëzua dhe barazoi sërish me McTominay në minutën e 81-të, duke bërë që dy skuadrat të ndanin nga një pikë.

Në 'Artemio Franchi' Fiorentina dhe Milani u ndanë në barazim 1-1. Ky ishte barazimi i dytë radhazi për djemtë e Allegrit që shohin më larg kreun e renditjes. Në Firenze sfida ishte me shumë raste, por pjesa e parë u mbyll pa gola dhe mes tensionit, aq sa Paolo Vanoli, trajneri i vendasve u ndëshkua me karton të kuq.

Fiore shtyu në sulm dhe shënoi me Comuzzon në minutën e 66-të, duke befasuar kuqezinjtë. Megjithatë, futja në fushë e Nkunku në vend të të dëmtuarit Pavlovic rezulatoi deçizive për Milanin, pasi francezi barazoi rezultatin për 1-1 në minutën e 90-të pas një pasimi brilant të Fofana.

Në stadiumin 'Via del Mare' puljezët e Lecces u mposhtën 1-2 me përmbysje nga Parma. Për vendasit titullar luajti Ylber Ramadani, i cili u ndëshkua me karton të verdhë në minutën e 56-të dhe do mungojë në sfidën e radhës për shkak se ka plotësuar numrin e kartonave.

Ishte Lecce që gjeti golin e epërsisë në shtëpi pas vetëm 52 sekondave lojë me serbin Stulic, por Parma u kundërpërgjigj në pjesën e dytë me autogolin e Tiago Gabriel dhe Pellegrinos. Parma përfitoi edhe nga superioriteti numerik pasi Banda në minutën e 57-të dhe Gaspar në fundin e ndeshjes u ndëshkuan me kartona të kuq te Lecce.

Pas raundit të 20-të, Interi kryeson Serie A me 43 pikë, tre më shumë se ndjekësit e Milanit. Pas tyre me 39 pikë ndodhet Napoli. Të treja skuadrat kanë nga një ndeshje më pak.

Serie A, raundi i 20-të:

E shtunë, 10 janar 2026

Como 1-1 Bologna

Udinese 2-2 Pisa

Roma 2-0 Sassuolo

Atalanta 2-0 Torino

E diel, 11 janar 2026

12:30 Lecce 1-2 Parma

15:00 Fiorentina 1-1 Milan

18:00 Verona 0-1 Lazio

20:45 Inter 2-2 Napoli

Renditja:

Rendit zhvillimet sipas orarit:
Ora 22:43
Conte merr karton të kuq, Napoli barazon 2-2 kundër Interit në ‘San Siro’

1768167878_napoli.jpeg

Sfidë për ata me zemër të fortë në Milano. Interi dhe Napoli barazuan 2-2 duke mbajtur po atë distancë sa përpara këtij dueli. Pas gjashtë fitoreve radhazi Interi ndalet nga kampionët në fuqi të Serie A. Duhej minuta e nëntë që Dimarco të kalonte zikaltërit në epërsi me një supergol, ndërsa McTominay në minutën e 26-të shënoi për 1-1.

Interi gjeti golin e dytë me Calhanoglu, kjo pasi në minutën e 73-të turku u tregua i saktë nga pika e bardhë e 11 metërshit. Pas protestave për penalltinë, trajneri i miqve, Antonio Conte, pa të dilte nga fusha me kartonin e kuq. Por Napoli nuk u dorëzua dhe barazoi sërish me McTominay në minutën e 81-të, duke bërë që dy skuadrat të ndanin nga një pikë.

S.Dh/Shqiptarja.com

Ora 17:11
VIDEO/ Milani ngec sërish, Fiorentina e ndal 1-1 në Firenze

1768147934_fiorentinamilan.jpeg

Në 'Artemio Franchi' Fiorentina dhe Milani u ndanë në barazim 1-1. Ky ishte barazimi i dytë radhazi për djemtë e Allegrit që shohin më larg kreun e renditjes. Në Firenze sfida ishte me shumë raste, por pjesa e parë u mbyll pa gola dhe mes tensionit, aq sa Paolo Vanoli, trajneri i vendasve u ndëshkua me karton të kuq.

Fiore shtyu në sulm dhe shënoi me Comuzzon në minutën e 66-të, duke befasuar kuqezinjtë. Megjithatë, futja në fushë e Nkunku në vend të të dëmtuarit Pavlovic rezulatoi deçizive për Milanin, pasi francezi barazoi rezultatin për 1-1 në minutën e 90-të pas një pasimi brilant të Fofana.

S.Dh/Shqiptarja.com

Ora 16:03
VIDEO/ Parma përmbys 1-2 Leccen, Ramadani ndëshkohet dhe mungon ndeshjen e ardhshme

1768143855_parma.jpeg

Në stadiumin 'Via del Mare' puljezët e Lecces u mposhtën 1-2 me përmbysje nga Parma. Për vendasit titullar luajti Ylber Ramadani, i cili u ndëshkua me karton të verdhë në minutën e 56-të dhe do mungojë në sfidën e radhës për shkak se ka plotësuar numrin e kartonave.

Ishte Lecce që gjeti golin e epërsisë në shtëpi pas vetëm 52 sekondave lojë me serbin Stulic, por Parma u kundërpërgjigj në pjesën e dytë me autogolin e Tiago Gabriel dhe Pellegrinos. Parma përfitoi edhe nga superioriteti numerik pasi Banda në minutën e 57-të dhe Gaspar në fundin e ndeshjes u ndëshkuan me kartona të kuq te Lecce.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera