POP 5

Lajmet më të lexuara të 5 minutave të fundit

Opinion

Partia Demokratike në eksperimente, elektorati në pritje

Rikthimi i Bashës ka rikthyer besimin te një palë stoikësh te PD-ja legale, ndërsa u ka dhënë përkatësinë e duhur pjesës, që ishte kinse në mes me argumentin kundër drejtimit të Berishës dhe me dëshirën e moskthimit të Bashës. Edhe, ata, e kanë tashmë një ‘strehë’.

Partia Demokratike në eksperimente, elektorati në pritje

Lulzim Basha dhe Sali Berisha

Me vetëm kronikën, që ka rrjedhur pas shpalljes non-grata të Berishës dhe, duke vazhduar me largimin e tij zyrtar prej Bashës nga grupi parlamentar; procesin e “Foltores”; Janarin e Shqup-it mund të bëhet një histori e zhvillimeve politike të Partisë Demokratike dhe të tregohet vazhdimësia e saj. Për gati dy vjet, ndërsa Rama ka marrë pareshtur pushtet, duke iu bjerrur fuqia vetëm nga goditja e SPAK-ut, PD-ja, nga ana tjetër, është rrudhur e rrudhur pa fund. Kuvende të shumta, riparimet statuti, dorëzime në gjykatë, padi në gjykatë, manipulime numrash dhe akuza e akuza, mbushin kronikën e saj. Është e vështirë për një qytetar, që është pranë vijës së pretenduar ideologjike të saj, të ndihet mirë dhe të kuptojë këtë tollovi. Rikthimi i Bashës ka rikthyer besimin te një palë stoikësh te PD-ja legale, ndërsa u ka dhënë përkatësinë e duhur pjesës, që ishte kinse në mes me argumentin kundër drejtimit të Berishës dhe me dëshirën e moskthimit të Bashës. Edhe, ata, e kanë tashmë një ‘strehë’. Paradoksalisht, këta të fundit, e dinin më mirë se cilido tjetër te PD-ja, që Berisha dhe Basha nuk heqin dorë. Të gjithë i janë falur kohës dhe mbi të gjitha pritjes së Godosë, por në të gjitha rastet, ai që u vjen përballë: o është në përfytyrimin e Berishës o të ish-delfinit të tij Bashës. A ka mundësi ky i fundit, që të rikthejë diçka? Koha po tregon se është e pamundur, pavarësisht optimizmit që kjo pjesë po merr prej formatimit të strukturës dhe besimit, që po mundohet të shpërndaja Basha dhe në mbledhjen e fundit të Kryesisë.

E vetmja gjë që mbetet për ata që e kundrojnë të gjithë procesin e zhvillimeve te PD-ja është ndërfutja e Drejtësisë. Nëse ajo do ta zgjidhi përfundimisht dhe brenda afateve normale problemin e simbolikës së saj dhe përkatësinë reale të këtij formacioni, mbase fillimisht do jenë vetë njerëzit e strukturave që do përballen me realitetin dhe do vendosin. Por, një prononcim i juristit Ledio Braho, një zyrtari të KAS-it tregon se kjo do të marrë kohë: “Zgjidhja ligjore patjetër që do të marrë kohë. Pasi çështja duhet të zgjidhet në Gjykatën e Lartë, dhe pa një vendim të tillë nuk mund të ketë një vendimmarrje nga ana e Gjykatës së Tiranës e cila vendos se kush është kryetari i PD-së”. Kjo do të thotë se do të vazhdojnë aktivitetet dhe funksionimi i dy pjesëve të PD-së, si njësi të ndara, ashtu si duket e ardhmja e këtij formacioni: Dy PD.

Bashës i janë shtuar tashmë kundërshtarët, por çuditërisht s’janë në pushtet por janë në vetë frymën e PD-së. Nga këtu mëton ngritjen, kryetari i rikthyer Basha, që tashmë do të shikojë sesi mund të ecësh vetë, pa ndikimin e Berishës. Ndërkohë elektorati e pret të gjithën, por më shumë se kaq ankthin për një përfaqësim, që po tregon se nuk i përfaqëson, ashtu si do të donin. Ndërkohë që, po ndodh se shumë njerëz të thjeshtë të opozitës po pasurohen shumë edhe në opozitë, kurse ata mbeten udhëve. Kjo është tragjedia e njerëzve të thjeshtë të PD-së, që ndërsa krerët kanë mundësi të eksperimentojnë me PD-në, ata të mbeten në pritje të një…asgjëje.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15