Sali Berisha ka sulmuar partinë e re të krijuar nga Enkelejd Alibej dhe një grup ish-deputetësh të PD duke u përpjekur t'i klasifikojë si një parti e formuar nga Edi Rama.
Nuk është se ka ndonjë rëndësi pasi Berisha këdo që nuk e ka nën kontroll e konsideron armik, ose aleat të armikut, por në këtë rast arsyet për të sulmuar kalojnë përtej problemit elektoral që mund t'i krijoj një parti e re.
Parti e re madje me njerëz dhe më të rinj janë dhe Partia e Qorrit, Shabanit apo Lapaj, por Berisha nuk është aq shumë i shqetësuar për të.
Arsyeja kryesore pse ai u detyrua të sulmojë partinë e re të Alibej me fjalor ekstrem, është se krijimi i kësaj partie i prishi Sali Berishës fasadën e “bashkimit” të opozitës që kishte kaq kohë që e kishte bërë fakt të kryer.
Duke shpartalluar PD e Lulzim Bashës, dhe duke lënë Bashën në pritje të vulës nga gjykata përsëri, Berisha po krijonte idenë se e ezuaroi çështjen e “Bashkimit" të opozitës dhe tani duhet të luftonin për zgjedhje.
Fakti që disa deputetë hoqën dorë vullnetarisht nga të qenit pjesë e grupit Berishës dhe krijuan një parti të re , praktikisht institucionalizoi ndarjen e opozitës dhe jo bashkimin e saj. Dhe kjo është goditja paraprake që Berisha ka marr nga ky akt.
Ata i rrëzuan atij fabulën false të “bashkimit’ me të cilën ai po përpiqej të ngrinte moralin e mbështetësve të vet.
Së dyti ky grupim, ka qenë bërthama e vetme luftarake e PD së Lulzim Bashës në zgjedhjet shkuara të 14 Majit, dhe të vetmit që këmbëngulën të kishin kandidatë në çdo rreth për kryetar bashkie.
Nuk ja dolën dot, pasi Basha dhe Bardhi në atë kohë pas një marrëveshje që Bardhi kishte bërë me Palokën ranë dakord të mos vinin kandidatë në rrethe dhe në fund “t’i kërkonin llogari Berishës” për humbjen.
Kjo skemë të cilën nuk e ndaj dot, nëse ishte shitje pazari tek Berisha apo naivitet, e bëri të parëndësishme PD e drejtuar nga Lulzim Basha pas 14 Majit, dhe praktikisht nuk shkaktoi asnjë habi as kur dhe logua e vula shkuan tek Berisha.
Të vetmit që rezistuan për kandidatë ishte kjo bërthamë deputetësh dhe kryesisht zoti Alibej. Dhe Berisha nuk ua fal që ata bën që PD e Berishës të pësonte disfatë të plotë dhe të dukej një opozitë e ndarë.
Së fundmi Berisha e ka bezdi këtë grupim, mes të tjerash se janë të orientuar drejt partive të tjera të vogla që nuk pranojnë më Berishën si alternativë opozitare. Ky grupim i bashkuar me Shehin dhe disa parti të vogla ka mundësi të krijoj qysh tani në Kuvend grupin e vet parlamentar dh et shkoj drejt zgjedhjeve të reja, si një bllok i ri opozitar.
E gjithë kjo prish jo vetëm fasadën e “bashkimit të opozitës por dhe monopolin që Berisha kërkon të vendos në opozitë duke e trajtuar si plaçkë të tij të cilën e përdor për halle familjare.
Është kjo arsyeja që ai përpiqet me çdo kush ti etiketojë ata si njerëz të Edi Ramës, apo si të opozitarë të shitur. Çdokënd që nuk e blen dot, përpiqet ta paraqes si dikë të blerë nga kundërshtari. Për atë nuk ekzistojnë njerëzit e lirë. Siç i ka hije një tregtari që ka 33 vjet që shet e blen PD, për hallet e tij.
Lajme të tjera
-
Dy ditë seancë maratonë, Kuvendi do miratojë Buxhetin! PD ka paralajmëruar protestë të martën në orën 17:00
17 Nëntor, 17:31
-
Berisha sulmon luftën partizane: 17 Nëntori shënon zëvendësimin e një pushtimi të huaj, me një pushtim barbar që zgjati 46 vite! Masakra e terrorit të kuq
17 Nëntor, 16:41 -
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
PD thirrje SPAK: Heto procedurën e shpalljes si investitor strategjik të vëllait të kryetarit të FRESSH dhe ish-kryebashkiakut të Vorës
17 Nëntor, 14:48 -
Shpërthen ish-deputeti PD për çlirimin e Tiranës: Një komunist i mirë, është një komunist i vdekur
17 Nëntor, 12:11 -
Mero Baze: Përse Berisha është i tërbuar me opozitarët e rinj
17 Nëntor, 07:07
-
'Kryebashkiakja e Kurbinit dosjet mal në SPAK', PD: Abuzime me rindërtimin, vjedhje të pronave dhe korrupsion
16 Nëntor, 21:30 -
Ylli Pata: Rikthimi dhe riciklimi! Dy fenomenet e kundërta që Berisha i ka provuar para Trump
16 Nëntor, 20:22
-
Vota e diasporës/ PD: Edi Rama dhe PS kanë nisur operacionin kriminal për ta manipuluar
16 Nëntor, 18:59 -
'Forcat e reja i bëjnë fresk Ramës', Endri Shabani replikon me Berishën: Je pjesë e tavës, ke marrë leje ndërtimi nga Rama
16 Nëntor, 17:39 -
Frrok Çupi: Këta të bëjnë me zor ta duash Enver Hoxhën
16 Nëntor, 16:48
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
