POP 5

Lajmet më të lexuara të 5 minutave të fundit

Sport

Partizani drejt rimëkëmbjes. Java e 23 nis me supersfidën Kukësi-Tirana, luhet në 'Air Albania'

Java e 22 e Superligës riktheu Partizanin në garën për titull kampion, ndërsa për t’u veçuar ishin fitorja e Flamurtarit pas 9 mujash si dhe reduktimi i gafave të arbitrit. Ndërkohë është zbuluar edhe axhenda e javës së ardhshme, e cila do të nisë ditën e premte me supersfidën Kukësi-Tirana.

Partizani drejt rimëkëmbjes. Java e 23 nis me supersfidën Kukësi-Tirana, luhet në 'Air Albania'

Java e 22 e Superligës zgjeroi gamën e skuadrave të cilët pretendojnë për titull kampion, pasi Partizani ngushtoi diferencën me skuadrat e kreut si pasojë e fitores së tretë radhazi dhe barazimit respektivë të Tiranës dhe Kukësit. Kampionët në fuqi në rastin më të keq javën e ardhshme kanë mundësinë të afrohen më shumë me kreun në rast fitoreje kundër Bylysit, ndërsa në rastin më të mirë mund të zbehin akoma më shumë diferencat me dy skuadrat e kreut, pasi Tirana dhe Kukësi do të vihen përballë njëra-tjetrës. Aktualisht Kukësi udhëheq me 42 pikë, 1 më shumë se Tirana e vendit të dytë dhe 5 më shumë se Partizani i vendit të tretë.

Për t’u veçuar këtë raund janë edhe arbitrat, të cilët pas shumë javësh nuk bëhen protagonist. Mbledhja e mesjavës e ‘xhaketave të zeza’ me shefin e sektorit të arbitrave duket se ka dhënë frytet e veta pavarësisht se është shumë herët për të thënë se ky moment i vështirë kaloi.

Ndërkohë Flamurtari i dha fund rekordit më negativ të rregjistruar në Europë. Vlonjatët arritën të fitonin ndeshjen e parë në kampionat në muajin shkurt, pikërisht në sfidën me Luftëtarin ku ia dolën me shifrat 0-1. Për vlonjatët ky ishte tre pikëshi i parë në harkun kohor të 9 muajve, duke marë parasysh edhe rezultatet e sezonit të kaluar.

Sakaq Komisioni i Garave në FSHF ka zbuluar edhe kalendarin për javën e ardhshme, e cila do të hapet me supersfidën Kukësi-Tirana. Ky takim është caktuar të luhet në orën 18:00 ditën e premte, ndërsa pavarësisht se nuk ka ende një njoftim zyrtar për stadiumin është thuajse e sigurtë që do të zhvillohet në ‘Air Albania’.

Ndërkohë katër sfidat e tjera të javës së 23 do të luhen ditën e shtunë. Në orën 14:00 Vllaznia do të presë Luftëtarin, ndërsa Flamurtari-Laçin. Dy ndeshjet e tjera janë caktuar të zhvillohen në orën 17:00 mes Partizanit dhe Bylist si dhe ndërmjet Skënderbeut dhe Teutës.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04