X

POP 5

Lajmet më të lexuara të 5 minutave të fundit

Sport

Partizani 'masakron' Kukësin për kreun e Superligës, Tirana zbret Teutën nga froni

Fitorja 4-0 kundër Kukësit e ka ngjitur Partizanin në krye të Superligës së bashku me Vllazninë, që sot mposhti 2-1 me përmbysje Skënderbeun. Ndërkohë Teuta ka zbritur nga froni pasi Tirana fitoi 2-1, duke u ritkhyer në garën për titull.

Partizani ka shkatërruar me rezultatin 4-0 Kukësin për llogari të javës së 29 të Superligës, duke u ngjitur në krye të klasifikimit së bashku me Vllazninë. Edhe pse ishte parashikuar një ndeshje e vështirë, të kuqtë e Ilir Dajës kanë treguar të kundërtën në fushë. Për tre pikët realizuan Asani, Çinari, Junior dhe në fund Esat Mala.

Me po aq pikë sa Partizani, 53, është edhe Vllaznia e cila sot ka fituar 2-1 me përmbysje kundër Skënderbeut. Golat për skuadrën e Brdaric u realizuan nga Shehi në pjesën e parë dhe Dilaver në pjesën e dytë. Tre pikët entuziazmuan edhe qytetin, pasi në përfundim të ndeshjes qindra tifozë festuan rreth e qark stadiumit.

Ndërkohë në vallen e titullit është futur edhe Tirana, që falë fitores 0-2 ka zbritur Teutën nga froni i Superligës. Skuadra durrsake me këtë humbje ka zbritur në vendin e tretë, ndërsa Tirana ndodhet 7 pikë larg Vllaznisë dhe Partizanit kryesues. Golat në Niko Dovana u shënuan nga Batha dhe Hoxhallari në 10 minutat e fundit të takimit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Si po përgatiten aleatët e SHBA-së për një fitore të mundshme të Trumpit?

Si po përgatiten aleatët e SHBA-së për një fitore të mundshme të Trumpit?

26 Prill, 07:52