POP 5

Lajmet më të lexuara të 5 minutave të fundit

Sport

Partizani mposht Vllazninë në frymën e fundit, Tirana detyron Cungun ta nisë me humbje te Laçi

Ndeshja më e rëndësishme e javës së tetë në Superligë mes Vllaznisë dhe Partizanit është mbyllur me fitoren 1-3 të kampionëve në fuqi.

Partizani mposht Vllazninë në frymën e fundit, Tirana detyron Cungun ta nisë me humbje te Laçi

Partizani ka marrë tre pikë të vështira në javën e tetë të Superligës pasi ka mposhtur me shifrat 1-3 Vllazninë në Shkodër. Në “loro Boriçi”, që për këtë ndeshje ishte thuajse i mbushur në tribunën përballë, takimi nisi vrullshëm dhe goli do të vinte që në minutën e 14, me Partizanin që mori epërsinë falë edhe një gabimi të portierit Sherri. Gjithsesi të njëjtën gabim do të bënte në anën tjetër pak minuta më vonë Alban Hoxha, ç’ka solli edhe barazimin e Vllaznisë.

Në pjesën e dytë ritmi i lojës ra, por atëherë kur nuk pritej, në minutën e 92 një shkodran si Çinari ndëshkoi kuqeblutë. Vllaznia e pati të vështirë të blidhte vetën dhe në sekondat e mbetura Jasir Asani shënoi edhe golin e tretë.

Në takimet e tjera Tirana fitoi me shifrat 2-1 në kryeqytet kundër Laçit. U deshën vetëm 4 minuta që Dunga të kalonte bardheblutë në avantazh, por pa kaluar 120 sekonda kurbinasit realizuan me Nuabueze, duke rikthyer baraspeshën. Gjithsesi po brenda pjesës së parë Tirana do të shënonte golin e fitores falë Kale-s që goditi bukur brenda zonës. Kjo ishte fitorja e parë e Tiranës në katër javët e fundit, ndërsa nga ana tjetër Armando Cungu debuton me humbje në krye të pankinës së Laçit.

Në Korçë sfida mes Skënderbeut dhe Kukësit është mbyllur me porta ta paprekura. Më këmbëngulës, madje edhe dy pretendime për penallti i pati skuadra vendase, por gjithsesi në fund ashtu si verilindorët morën vetëm një pikë.

Ndeshja tjetër e kësaj javë mes Luftëtarit dhe Bylist është mbyllur me shifrat 1-1

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • loro matlija: 20/10/2019 14:00

    vazhdoni e merruni me voltanen se edhe kete vit me duket se shkodra do perfunoje ne kategorine e dyte

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04