Ernest Gjoka, trajneri i futbollit ishte pjesë e "Sot Live në Shqipëri" në Report Tv, me gazetarin Andi Kapxhiu, teksa u fol për aventurën e skuadrave shqiptare në Evropë. Tema qëndrore e bisedës vijoi me eliminimin e Partizanit nga Champions League dhe aventurën e të kuqve në Conference League.
Veç Partizanit, Gjoka ka besim se Egnatia do kalojë më tej në Conference League, kjo pas barazimit 1-1 në transfertë me Ararat-Armenia në ndeshjen e parë. Ndryshimi i formatit të Superligës dhe Kategorisë së Parë ishte një tjetër çështje e diskutuar me ish-trajnerin kampion të Kukësit.
"Çfarë pësoi Partizani? Mbaj mend kur drejtoja Kukësin dhe i shënuam dy gola Sheriff Tiraspol, na eliminuan me gol në fushë kundërshatre. Partizani ishte një zhgënjim dje, jo se luajti keq, por në fund duhet rezultati. BATE është një ekip modest dhe po vuan në Bjellorusi, ata fituan titullin dhe u renditën në vendin e katërt në kampionat, fituan sepse federata dënoi tre ekipet e para. Shpresoj që Partizani të bëjnë mirë në Conference League. Problemi është se duhet të shënosh gol, nëse nuk ia del nuk e justifikon dot lojën e mirë. Uroj që në CL të shënojë dhe të ketë sukses me këtë paraqitje", tha Gjoka fillimisht.
Më pas trajneri foli edhe për eliminimin e Strugës dhe garën e Ballkanit, me kampionët e Ilir Dajës që luajnë sot kundër Ludogorets në Bullgari, teksa fituan 2-0 në ndeshjen e parë në Prishtinë.
"Eliminimi i Strugës dhe Ballkani? Struga kishte mundësi, shënuan të parët dhe nuk mbajtën dot rezultatin në 10 minutat e fundit, kjo edhe për shkak të eksperiencës. Ballkani ka pesë vite që bën mirë, Ludogorets është ndër ekipet më të mira në rajon. Ballkani ka një trajner si Daja që ka eksperiencë, së bashku me lojtarët", vijoi Gjoka.
Kryeqytetasi u ndal edhe te aventura e skuadrave shqiptare në Conference League, duke i dhënë më shumë kredite për kalimin më tej Egnatias.
"Tirana, Egnatia dhe Vllaznia? Në futboll duhen menaxhuar situatat. Egnatia ka shanse edhe për kundërshtarin që ka përballë. Vllaznia e ka të vështirë. Duhet që skuadrat shqiptare të kalojnë ture, sepse është një derë që hapet për trajnerët dhe lojtarët", tha trajneri.
Më pas Gjoka foli edhe për skemën e ndryshuar të Superligës.
"Skema? Kam mendimin se futbolli shqiptar elitar të bëhet me 12 skuadra. Kemi në të Parën emra si Flamurtari, Elbasani apo edhe Bylis e Besa. Skema që u miratua nuk ndryshohet. Futbolli ka më shumë nevojë për të ardhura sepse i bën mirë. Duhet parë sesi do funksionojë skema", tha Gjoka.
Lajme të tjera
-
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Legjionarët/ Asllani realizon supergol me Interin në Kupën e Italisë, Mitaj gjen rrugën e rrjetës në ndeshjen miqësore
23 Dhjetor, 11:59 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
Iliri, 'Daja' i Superligës! Dinamo në krye pas 15 vitesh
16 Dhjetor, 19:05
