'Partizani shënoi në mundësinë e vetme', Ahmataj i Tiranës: Finalizimi ynë ishte i dobët

Trajneri i Tiranës, Julian Ahmataj foli pas derbit kundër Partizanit të mbyllur 1-1. Për javën e 15-të në Superligë, dy skuadrat ndanë nga një pikë. Ahmataj nuk është i kënaqur me finalizimin e mundësive nga të tijtë, teksa shton se Partizani shënoi në rastin e vetëm të krijuar.

"Derbet janë gjithmonë të vështira, e kishim studiuar mirë kundërshtarin. Më pëlqeu loja e skuadrës. Finalizimi ishte i dobët, kishim mundësi të pastra për të shënuar, mund ta kishim mbyllur ndeshjen. Jam i mërzitur, sepse duhet t’i gëzonim tifozët tanë dhe familjet tona.

LEXO EDHE:
Basketboll meshkuj/ Besëlidhja 'ia merr dorën' Tiranës, e mposht edhe në ndeshjen e dytë dhe shkon në finale

Ky është futbolli, me një mundësi që pati kundërshtari u shënua gol. Nuk duhet të ulim ritmin, ky presionin na bën mirë, kjo duhet të vazhdojmë në javët në vazhdim dhe duhet të risim nivelin e performancës. Kundërshtari do shtynte më lartë në pjesën e dytë dhe duhet të ishim më të kujdesshëm, në pjesën e dytë na u krijuan 3-4 mundësi të pastra për të shënuar, sepse kundërshtari u ngrit lartë", tha Ahmataj për MCN.

Lajmi kryesor:

GOLAT/ S'ka fitues në derbi, Tirana dhe Partizani barazojnë 1-1 mes tensionit e përleshjeve! Dinamo 'fundos' Laçin, Kukësi e Teuta ndahen në paqe

S.DH/Shqiptarja.com

TAG:
• tirana
• partizani
• Laçi
• Dinamo
• Kukesi
• Teuta
• superliga