Superliga shqiptare e futbollit zhvilloi javën e 15-të. Gjithçka këtë të dielë nisi në orën 13:30, me Kukësin dhe Teutën që barazuan 0-0. Në Durrës me fillim nga 16:00 Dinamo mundi 2-0 Laçin, ndërsa në 19:00 gjithë vëmendja ishte në "Air Albania", me Tiranën dhe Partizanin që barazuan 1-1 në derbi. Ndeshja në kryeqytet filloi me tetë minuta vonesë, kjo për shkak të tifozëve që ndezën shumë flakadanë dhe tymi bëri që dueli të vonohej në nisje me disa minuta. Edhe në fundin e ndeshjes pati përleshje mes tifozëve dhe u desh ndërhyrja e Forcave Speciale.
Tirana dhe Partizani barazuan 1-1 në derbin e 172 të kryeqytetit. Për javën e 15-të të Superligës në futboll, sfida e zhvilluar mbrëmjen e së dielës në "Air Albania" i kishte të gjitha. Tension nga tribuna, përplasje në fushë, gola, raste dhe kartona.
Sfida nisi me tetë minuta vonesë dhe për këtë u kujdesën tifozeritë, që ndezën një arsenal të vërtetë flakadanësh, me tymin që u bë pengesë për fillimin normal të sfidës. Pas fërshëllimës së parë, Tirana kontrolloi lojën dhe pati disa raste.
Ishte Florent Hasani që në minutën e 28-të kaloi bardheblutë në epërsi, duke dërguar pjesën bardheblu të stadiumit në festë. Më pas, në minutat 32 dhe 34 kishte tension, me tifozët që u bënë protagonistë duke hedhur sende të forta në fushë.
Të lënduar mbetën Najdovski dhe Qirko, teksa arbitri Juxhin Xhaja ftoi dy kapitenët për të folur me ultrasit, duke dhënë sinjalin se nëse situata vijonte do detyrohet të ndërpriste sfidën. Pas vijimit të lojës dhe me shtatë minuta shtesë, pjesa e parë u mbyll 1-0 për bardheblutë.
Fraksioni i dytë nisi me grintë, teksa sërish bardheblutë e filluan mirë. Latifi humbi një rast të pabesueshëm te Tirana. Në vijimin e lojës dhe konkretisht në të 69 minutë Doka dhe Rrapaj u përplasën mes tyre, me sherrin që përfshiu kampet. Vetëm të verdhë për dy lojtarët.
Duhej minuta e 80-të që i sapofuturi Albers Keko të vendoste ekuilibrat për 1-1 me një goditje fluturimthi. Më pas Përgjoni gaboi te Tirana, ndërsa e gjithë ndeshja u mbyll 1-1. Tirana ka 14 muaj pa sukses në derbi dhe fitorja e fundit ishte në 2 tetorin e 2022 me dopietën e Xhixhës. Ndërkohë Partizani ka tre barazime radhazi në kampionat. Në fundin e javës së 15-të është Egnatia me 33 pikë që kryeson, ndjekur nga Partizani me 29 pikë (një ndeshje më pak) dhe Tirana me 22 pikë.
Pas fërshëllimës së Juxhin Xhajës në tribuna ka nisur një duel tjetër, me tifozët e dy kampeve që janë përplasur mes tyre. Edhe pse në distancë, duhej ndërhyrja e Forcave Speciale që situata të qetësohej. Nga pamjet e Report Tv duket se janë shumë stola të thyer, ndërsa tifozët sulmojnë palën kundërshtare me sende të forta. Ndërkohë që në tribuna u dukën edhe flakët. 13 mijë tifozë u raportuan në "Air Albania".
Në "Kukës Arena", Kukësi dhe Teuta barazuan 0-0 për raundin e 15-të në Superligë. Dueli u karakterizua nga raste shënimi, teksa verilindorët më shumë se 50 minuta i luajtën me dhjetë lojtarë. Mbrojtësi Franci Lala u ndëshkua me karton të kuq në minutën e 39-të. Edhe pse me një lojtar më pak, ekipi i Stavri Nicës rezistoi, me trajnerin që në fund u shpreh i pakënaqur për arbitrimin. Kukësi me dy barazime radhazi shkon në kuotën e 16 pikëve, ndërsa Teuta me 13 pikë mban vendin e fundit. Pas dy humbjeve, djemtë e Edi Martinit marrin një pikë, teksa prej gjashtë ndeshjeve nuk njohin fitore.
Në stadiumin "Niko Dovana" të Durrësit, Dinamo fitoi 2-0 kundër Laçit për javën e 15-të të Superligës. Një gol në secilën pjesë për djemtë e Dritan Mehmetit, që pas sukseseve në pesë ndeshjet e fundit e kanë marrë veten edhe në klasifikim. Ishte minuta e 44 kur Andoni zhbllokoi shifrat, ndërsa në të 90 minutë Patrik Bardhi "vulosi" gjithçka. Me 19 pikë Dinamo shkon në vendin e pestë, duke lënë Laçin me 16 pikë në pozitën e tetë, me dy humbje radhazi. Shtatë ndeshje pa fitore ka skuadra e Mirel Josës.
Superliga, java 15-të:
E shtunë:
Egnatia 3-0 Vllaznia
Skënderbeu 1-0 Erzeni
E dielë:
13:30 Kukësi 0-0 Teuta
16:00 Dinamo 2-0 Laçi
19:00 Tirana 1-1 Partizani
Renditja:
Trajneri i Tiranës, Julian Ahmataj foli pas derbit kundër Partizanit të mbyllur 1-1. Për javën e 15-të në Superligë, dy skuadrat ndanë nga një pikë. Ahmataj nuk është i kënaqur me finalizimin e mundësive nga të tijtë, teksa shton se Partizani shënoi në rastin e vetëm të krijuar.
"Derbet janë gjithmonë të vështira, e kishim studiuar mirë kundërshtarin. Më pëlqeu loja e skuadrës. Finalizimi ishte i dobët, kishim mundësi të pastra për të shënuar, mund ta kishim mbyllur ndeshjen. Jam i mërzitur, sepse duhet t’i gëzonim tifozët tanë dhe familjet tona.
Ky është futbolli, me një mundësi që pati kundërshtari u shënua gol. Nuk duhet të ulim ritmin, ky presionin na bën mirë, kjo duhet të vazhdojmë në javët në vazhdim dhe duhet të risim nivelin e performancës. Kundërshtari do shtynte më lartë në pjesën e dytë dhe duhet të ishim më të kujdesshëm, në pjesën e dytë na u krijuan 3-4 mundësi të pastra për të shënuar, sepse kundërshtari u ngrit lartë", tha Ahmataj për MCN.
Tirana dhe Partizani barazuan 1-1 për javën e 15-të në Superligë. Derbi i kryeqytetit u komentua edhe nga Arbër Abilaliaj, trajneri i Partizanit. Vlonjati e kishte me arbitrin dhe me disa nga të tijtë.
"Nuk jam i kënaqur me një pikë, por ky është futbolli. E rëndësishme është që derbin mos ta humbasësh. Për pikën nuk jam i kënaqur, pasi nuk na bënë asnjë punë. Nuk jam i kënaqur sesi interpretuan disa lojtarë. Disa gjëra kam dhe me arbitrimin pasi loja efektive u luajt vetëm 20 minutat e pjesës së parë.
Na mungonin disa elementë në qendrën e mbrojtjes. Bintsouka ishte gjysmë gati, ashtu edhe Sembene. Cara nuk duhej të luante, por i kishim marrë këto kosto. Pastaj në pjesën e dytë kaluam ofensivë me 3-4-3. Duke patur parasysh që ishim të shqetësuar për mbrojtjen, më shumë se 25 minuta nuk kishim se çfarë të humbisnim.
Tirana nuk arriti të mbante intensitetin e lojës. Kam përshtypjen që 3 lojtarë nuk do të ishin në fushën e lojës. Por nëse nuk do i aktivizonim do të ishim të cunguar në pjesën e dytë. Duhet ta nisnim me lojtarë që ishin pa dhimbje dhe pa probleme dhe s’do kishim alternativa për pjesën e dytë", tha Abilaliaj për MCN.
Tirana dhe Partizani barazuan 1-1 për javën e 15-të në Superligë. Pas fërshëllimës së Juxhin Xhajës në tribuna ka nisur një duel tjetër, me tifozët e dy kampeve që janë përplasur mes tyre.
Edhe pse në distancë, duhej ndërhyrja e Forcave Speciale që situata të qetësohej. Nga pamjet e Report Tv duket se janë shumë stola të thyer, ndërsa tifozët sulmojnë palën kundërshtare me sende të forta.
Ndërkohë që në tribuna duken edhe flakët dhe siç shihet është djegur një stol.
Tirana dhe Partizani barazuan 1-1 në derbin e 172 të kryeqytetit. Për javën e 15-të të Superligës në futboll, sfida e zhvilluar mbrëmjen e së dielës në "Air Albania" i kishte të gjitha. Tension nga tribuna, përplasje në fushë, gola, raste dhe kartona.
Sfida nisi me tetë minuta vonesë dhe për këtë u kujdesën tifozeritë, që ndezën një arsenal të vërtetë flakadanësh, me tymin që u bë pengesë për fillimin normal të sfidës. Pas fërshëllimës së parë, Tirana kontrolloi lojën dhe pati disa raste.
Ishte Florent Hasani që në minutën e 28-të kaloi bardheblutë në epërsi, duke dërguar pjesën bardheblu të stadiumit në festë. Më pas, në minutat 32 dhe 34 kishte tension, me tifozët që u bënë protagonistë duke hedhur sende të forta në fushë.
Të lënduar mbetën Najdovski dhe Qirko, teksa arbitri Juxhin Xhaja ftoi dy kapitenët për të folur me ultrasit, duke dhënë sinjalin se nëse situata vijonte do detyrohet të ndërpriste sfidën. Pas vijimit të lojës dhe me shtatë minuta shtesë, pjesa e parë u mbyll 1-0 për bardheblutë.
Fraksioni i dytë nisi me grintë, teksa sërish bardheblutë e filluan mirë. Latifi humbi një rast të pabesueshëm te Tirana. Në vijimin e lojës dhe konkretisht në të 69 minutë Doka dhe Rrapaj u përplasën mes tyre, me sherrin që përfshiu kampet. Vetëm të verdhë për dy lojtarët.
Duhej minuta e 80-të që i sapofuturi Albers Keko të vendoste ekuilibrat për 1-1 me një goditje fluturimthi. Më pas Përgjoni gaboi te Tirana, ndërsa e gjithë ndeshja u mbyll 1-1. Tirana ka 14 muaj pa sukses në derbi dhe fitorja e fundit ishte në 2 tetorin e 2022 me dopietën e Xhixhës. Ndërkohë Partizani ka tre barazime radhazi në kampionat. Në fundin e javës së 15-të është Egnatia me 33 pikë që kryeson, ndjekur nga Partizani me 29 pikë (një ndeshje më pak) dhe Tirana me 22 pikë.
Pas fërshëllimës së Juxhin Xhajës në tribuna ka nisur një duel tjetër, me tifozët e dy kampeve që janë përplasur mes tyre. Edhe pse në distancë, duhej ndërhyrja e Forcave Speciale që situata të qetësohej. Nga pamjet e Report Tv duket se janë shumë stola të thyer, ndërsa tifozët sulmojnë palën kundërshtare me sende të forta. Ndërkohë që në tribuna duken edhe flakët.
Tirana po fiton 1-0 kundër Partizanit në derbin e kryeqytetit që nisi me tetë minuta vonesë për shkak të flakadanëve (19:08) në Air Albania. Derbi i kryeqytetit u ndal sërish në minutat 32 dhe 34 për shkak se të dyja tifozeritë u bënë protagonsite. Copa stolash dhe sende të forta fluturuan nga tribunat, me Najdovskin e Tiranës dhe Qirkon e Partizanit që mbetën të dëmtuar. Kryesori Juxhin Xhaja thirri kapitenët për të folur me tifozët dhe duket se ka paralajmëruar një ndërprerje në rast se situata përsëritet. Tirana po fiton 1-0 me gol të Florent Hasanit në minutën e 28-të.
Tirana dhe Partizani duhet të fillonin derbin në "Air Albania" në orën 19:00, por diçka e tillë nuk ka ndodhur pasi tifozët kanë ndezur një numër të madh flakadanësh, duke e bërë të pamundur nisjen. Për shkak të tymit të shkaktuar nga tifozët e Tiranës, arbitri Juxhin Xhaja priti tetë minuta për të filluar sfidën. Në nisje të duelit futbollistët dhanë një mesazh kundër dhunës ndaj vajzave dhe grave, teksa kishin veshur të gjithë fanella ngjyrë portokalli. Dueli filloi me tetë minuta vonesë.
Derbi Tirana - Partizani merr jetë sot në 19:00 në "Air Albania", sfidë që vlen për javën e 15-të në Superligë. Tifozët tanimë kanë mbushur impiantin, ndërsa nuk kanë munguar incidentet. Një tifoz i Tiranës, në dukje disi në moshë ka djegur një shall të Partizanit. Menjëherë kanë ndërhyrë zjarrfikësat dhe gjithçka ka kaluar.
Tirana dhe Partizani do përballen sot në 19:00 në "Air Albania" për derbin numër 172 mes tyre në Superligë. Si trajneri Julian Ahmataj dhe Arbër Abilaliaj kanë bërë edhe vendosjet në fushë. Sfida vlen për raundin e 15-të në Superligën e këtij sezoni, ndërsa në duelin e fazës së parë "Demat" fituan 2-1 kundër bardhebluve. Pritet që stadiumi në Tiranë të jetë i mbushur me afro 18 mijë tifozë. Arbitron Juxhin Xhaja.
Formacionet zyrtare:
Tirana: Abdullahu, Doka, Hoxhallari, Najdovski, Përgjoni, Lushkja, Deliu, Meta, Latifi, Abazaj, Hasani Trajner: Julian Ahmataj
Partizani: Qirko, Atanaskoski, Sembene, Hadroj, Murataj, Rrapaj, Maget, Mehmeti, Cara, Taipi, Bintsouka Trajner: Arbër Abilaliaj
Në stadiumin "Niko Dovana" të Durrësit, Dinamo fitoi 2-0 kundër Laçit për javën e 15-të të Superligës. Një gol në secilën pjesë për djemtë e Dritan Mehmetit, që pas sukseseve në pesë ndeshjet e fundit e kanë marrë veten edhe në klasifikim. Ishte minuta e 44 kur Andoni zhbllokoi shifrat, ndërsa në të 90 minutë Patrik Bardhi "vulosi" gjithçka. Me 19 pikë Dinamo shkon në vendin e pestë, duke lënë Laçin me 16 pikë në pozitën e tetë, me dy humbje radhazi. Shtatë ndeshje pa fitore ka skuadra e Mirel Josës.
Trajneri i Kukësit, Stavri Nica foli pas barazimit 0-0 që të tijtë morën me Teutën për javën e 15-të në Superligë. Tekniku korçar e ka me gjykimin, duke thënë se në çdo sfidë të tijtë marrin kartona të kuq.
"Si shkoi ndeshja jam i kënaqur. Duhet të fusim logjikën e punës, luajmë çdo ndeshje me nga një lojtar mangut. Nuk e di, vendime të tilla specialistët mund t’i gjykojnë më mirë. Por këto vendime na fusin shumë në vështirësi. Çunat duhen lavdëruar, pasi edhe me një forcë më pak ia dolën.
Ata duhet të vrapojnë dyfish për të plotësuar edhe boshllëkun dhe për këtë i lavdëroj. Mesa duket në këtë kampionat Kukësi duhet të luaj vetëm me 10 lojtarë. Pra Kukësi është i dhjetë lojtarëve. Pika është pikë dhe vlen pasi jemi grupuar disa ekipe. Siç thotë populli: qesh buza hundën. Kjo është situata, nëse më kuptoni", tha Nica.
Lajme të tjera
-
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Kategoria e Parë/ Flamurtari fitore dramatike, Kukësi 'bie' në Peshkopi! Burreli surpriza e sezonit (Renditja)
21 Dhjetor, 15:46 -
Media italiane: Tirana surpriza e madhe turistike përtej Adriatikut
21 Dhjetor, 08:41 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Kurbin/ Kishin përshatur ambiente për konsumim, shitje drogash dhe lojëra fati, 3 të arrestuar! Mes tyre pronari dhe prindërit e tij
20 Dhjetor, 12:58 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Komisioni i Disiplinës sanksionon merkaton e Tiranës dhe Dinamos për 3 sesione, shkak mos përmbushja e detyrimeve ndaj lojtarëve
19 Dhjetor, 18:26 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40
