Pas 1 janarit 2024 taksohen 15% dhuratat që merr biznesi e të vetëpunësuarit por dhe të ardhurat nga trashëgimia e lojërat e fatit

Të gjitha dhuratat që merr një subjekt fizik tregtar apo një i vetëpunësuar për biznesin e tij pavarësisht kush është dhuruesi me ligjin e ri do të tatohen me 15%. Në udhëzim thuhet se të hyra të tilla në llogaritë e biznesit, konsiderohen të ardhura biznesore për efekt tatimi.

Po kështu me 15% do të tatohen edhe të ardhurat nga dhuratat, trashëgimitë dhe lojërat e fatit të përfituara në Republikën e Shqipërisë nga rezident dhe jorezidentët, me normën 15% .

“Për efekt të llogaritjes së të ardhurave nga dhuratat dhe trashëgimia, sendet e dhuruara apo të trashëguara vlerësohen në momentin e dhurimit me vlerë nominale ose vlerën e tregut, cila prej tyre është vlera më e madhe. Nëse disponohet një vlerë nominale për sendin e dhuruar apo të trashëguar, ajo krahasohet me vlerën e tregut të këtij sendi dhe cilado prej tyre është më e lartë, përbën bazën apo të ardhurën mbi të cilën aplikohet norma e tatimit 15%. Rregullat e vlerësimit për vlerën e sendeve të dhuruara apo të trashëguara, bazohen në praktikat e njohura nëpërmjet vlerësuesve të njohur apo akteve zyrtare në fuqi, në lidhje me metodologjinë e përcaktimit të vlerës së sendeve”, thuhet ndër të tjera në Udhëzim e Përgjithshëm Nr. 26, datë 8.9.2023 Për Tatimin Mbi Të Ardhurat.

S.G/KT/Shqiptarja.com

TAG:
• dhuratat
• Ministria e Financave
• tatimet