Kuvendi i Shqipërisë nis sesionin e ri më 8 shtator, të martën në orën 17.00, në seancën plenare që do të ulë deputetët në karrigen e ligjvënëse pas 1 muaji pushim.

Rendi i ditës është publikuar në faqen zyrtare të Kuvendit të Shqipërisë, hapja e punimeve të sesionit të III të Legjislaturës së XI të Kuvendit.

Punimet e këtij sesioni pritet të dominohen nga dy ngjarje, zgjedhjet lokale të 2027-ës, të cilat vijnë nën klimën e një reforme territoriale, ende në fazë konsultimi publik, për shkrirjen e 15 bashkive, propozim ky vetëm nga mazhoranca e pa dakordësinë e opozitës, dhe së dyti, nga procesi i negociatave për anëtarësimin e Shqipërisë në Bashkimin Evropian.

Me territorialen që është kundërshtuar me protesta nga qytetarët e bashkive që shkrihen dhe vetë kryebashkiakët, në proces është edhe reforma zgjedhore ku mazhoranca e opozita ende po punojnë bashkë dhe mbetet për tu parë nëse ndarja e re territoriale do të kërkojë ndërhyrje edhe në Kodin Zgjedhor për tu zbatuar në zgjedhjet lokale të vitit 2027.

Rendi i ditës për seancën e 8 shtatorit