Qiproja nuk ka ndërmend të lë monedhën e përbashkët evropiane. Kështu u shpreh presidenti i Qipros Nikos Anastasiades. Ai tha se në asnjë mënyrë “ne nuk do të eksperimentojnë me të ardhmen e vendit tonë”.

Presidenti tha se gjendja financiare është e përmbajtur, pas marrëveshjes së ndihmës prej 10 miliardë eurosh nga kreditorët ndërkombëtarë.

Gjithashtu ai ka akuzuar disa anëtarë të Eurozonës që kanë bërë kërkesa të paprecedent duke forcuar Qipron të kthehet në një eksperiment.

Bankat qipriote u hapën të enjten për herë të parë pas dy javë mbyllje, për shkak të rregullave të reja të vendosura nga BE-ja dhe FMN-ja si pjesë e marrëveshjes së paketës ndihmë.

Trojka vendosi një kontroll të ashpër mbi kapitalin e bankave ku janë vendosur limite për tërheqjen dhe transferimin e parave.

Gjendja të premten është përgjithësisht e qetë pas radhëve të gjata të formuara nga njerëzit në hyrjet e bankave ditën e enjte.

Redaksia Online
(l.c/Gre.M/Shqiptarja.com)