POP 5

Lajmet më të lexuara të 5 minutave të fundit

Sociale

Kukës/ Pas 25 vitesh emigrim rikthehet në atdhe me gruan çeke: Më pëlqen Shqipëria, natyra e ushqimet

Pas 25 vitesh në emigrim, një i ri nga Kukësi ka vendosur të kthehet në atdhe. Bashkë me bashkëshorten e tij çeke Paulën, Ardian Nërguti rrëfen ëndrrën për të jetuar në fshatin e lindjes Gjegjan, aty ku synon të ndërtojë një fermë të vogël lopësh. 

Pas 25 vitesh në emigrim, Ardian Nërguti ka vendosur të kthehet në vendlindje, në fshatin jo shumë larg Kukësit, Gjegjan.

Bashkë me bashkëshorten e tij nga Çekia, Paulën me të cilën tashmë ka 10 vite martesë, kanë vendosur që paratë e emigrimit t’i investojnë duke ndërtuar një stallë të vogël lopësh.

Paula ka vendosur ta ndjekë bashkëshortin nga Kukësi në ëndrrën e tij për t’u kthyer në vendlindje. Shqipëria me natyrën e bukur, klimën e pastër, ditët e gjata me diell janë disa nga faktorët që tundojnë ambiciet për të jetuar këtu, pohon Paula.

“Nuk është e vështirë të jetosh në Shqipëri. Si mua dhe vajzës time na pëlqen shumë. Natyra është e bukur dhe ushqimet janë bio”, thotë Paola.

Nuk e ka të vështirë t’i përshtatet jetës së malësisë, pasi për këtë, Paola rrëfen se po ndihmohet edhe nga mamaja e bashkëshortit, si për punët e fshatit, ashtu edhe për gjuhën shqipe.

“Po mësoj, më ndihmon burri dhe vjehrra”, shton ajo.

Por kthimi në atdhe, për të çuar para ëndrrën e një ferme të vogël në fshat nuk po kalon pa pengesa për çiftin Nërguti. Ëndrra e tyre duket se ka mbetur peng i burokracive shtetërore, pasi nuk po pajisen me leje ndërtimi.

Edhe Paola thotë se do donte shumë të jetonin e punonin në vendlindjen e bashkëshortit, por nëse nuk gjejnë zgjidhje për ndërtesën e stallës, ikja sërish nga Shqipëria, mbetet alternativë.

Dy të rinj janë njohur në emigrim në Angli, atje ku kanë kurorëzuar martesën e janë gëzuar me një vajzë të vogël. Kukësi gjatë viteve të fundit është prekur ndjeshëm nga vala e emigrimit. Rikthimi në vendlindje është alternativë në rast se arrijnë të sigurojnë një vend pune.

G.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • bani: 15/07/2024 01:34

    BRAVO,,ARDIAN DHE JO 10 LOPE POR 100 LOPE TE MBASH,,DHE 1000 DELE E KECA TE MBASH,,,KE MUNDESI PER NJE GJE TE TILLE...

    Përgjigju
  • Iris: 15/07/2024 01:08

    Se mos eshte vetem burokracia problem,prit kur te provosh vjeshten e vone me shira e balte dhe dimrin e Gjegjanit te Kuksit,qe nuk eshte as si Cekia,as si Anglia,per te mos folur per problemet e tjera qe ka zona,pastaj flasim!

    Përgjigju
  • Luka: 14/07/2024 21:14

    Puna te te shkoje sa me mbare, pa leri qente te lehin...

    Përgjigju
  • Genti: 14/07/2024 18:40

    Qendro se pas qafe do ta pesosh ne kete vend te korruptuar

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu