Pas bisedimeve në Moskë, presidenti i Indonezisë: Putinit i kam dërguar mesazhin e Zelenskyt

Pas bisedimeve në Moskë, presidenti i Indonezisë: Putinit i kam dërguar mesazhin e Zelenskyt

Presidenti indonezian Joko Widodo thotë se i ka dërguar një mesazh udhëheqësit ris Vladimir Putin, një mesazh nga Volodymyr Zelensky.

Widodo u takua dje me presidentin ukrainas në një vizitë në Kiev dhe sot ka qenë në Moskë për një takim me Putinin.

“Unë i përcolla mesazhin e Presidentit Zelensky, Presidentit Putin”, tha Widodo pas bisedimeve në Moskë.

Ai nuk zbuloi se çfarë thoshte mesazhi, por shtoi se ka shprehur "gatishmërinë" e tij për të ndihmuar në fillimin e komunikimit midis dy liderëve.

Widodo tha se Indonezia do të vazhdojë të bashkëpunojë me Rusinë dhe nga ana tjetër Putin u tha gazetarëve se Rusia është e gatshme të përmbushë nevojën e Indonezisë për plehra kimike - furnizimi i të cilave është prekur nga lufta në Ukrainë dhe sanksionet perëndimore.

Widodo e ka ftuar Zelenskyn në samitin e G20 të nëntorit në Bali. AFP raporton se presidenti ukrainas i tha Widodos se pjesëmarrja e tij do të varej nga kush tjetër ishte atje - Rusia është anëtare e G20 dhe si e tillë pritet që Putini të marrë pjesë.


Lajmi kryesor:

Lufta në Ukrainë/ Biden: Samit historik, NATO është më e bashkuar! Rusët largohen nga ishulli i gjarpërinjve! Widodo i jep Putinit mesazhin e Zelenskit


M.Q./Shqiptarja.com
  • Sondazhi i ditës:

    Berisha-Meta e partitë e vogla bashkë për zgjedhjet vendore, a mendoni se fitojnë përballë PS?



×

Lajmi i fundit

Tragjedi në Greqi, një varkë fundoset, tjetra përplaset me shkëmbin! Vdesin 17 vajza emigrante

Tragjedi në Greqi, një varkë fundoset, tjetra përplaset me shkëmbin! Vdesin 17 vajza emigrante